احمد حسن وزينب: مش بنتاجر ببنتنا وكبيرنا 1000 دولار فى الشهر (فيديو)

احمد حسن وزينب

الثلاثاء، 13 أغسطس 2019 08:07 ص

نشر " اليوتيوبر" احمد حسن وزينب ، فيديو عبر صفحة الرسمية على "فيس بوك" انتقد فيها وسائل الإعلام، وقال احمد حسن:" الاعلام بيزايد علينا ووللدرجة دي معندكوش مواضيع مهمة تتكلموا عنها غير احمد حسن وزينب".

وقالت زينب، في فيديو مصور بعنوان "حرام عليكم كفاية انتقادات بقا" :" الموضوع ميستهلش .. كل ده عشان واحد بيلاعب بنته، عشان خدناها وطعمناها في الصحة، إحنا مش بنعذبها".

وقال احمد حسن:" المشكلة ان الموضوع مش مستمع فى مصر فقط لكن فى دول عربية كتير مش فاهم ليه .. الناس مش فاضية غير لـ احمد حسن وزينب"، مضيفا:" أقسم بالله في قنوات كتير جدًا وإعلاميين كبار جدًا طلبونا عشان نطلع ونرد على الانتقادات، وإحنا رفضنا، لكن هما عايزنها سبوبة عشان يتاجروا بينا".

احمد حسن وزينب

وأضاف احمد حسن :" احنا مش بنتاجر ببنتنا .. ولو بنتاجر بيها كنا طلعنا فى القنوات، متابعا:" انا مجرد اب مبسوط ببنتي حترمونى العب مع بنتي وأنتو اللي طلبتوا ننزل فيديوهات بعد الولادة، وطلبتوا تشوفوا الطفلة، لو أنتو فعلًا عايزين تنقذوا أطفال انزلوا شوفوا اللي بيبيعوا مناديل في الشوارع".

وتابع احمد حسن :" أنا وزينب اتجوزنا 3 مرات، مرة في أكتوبر، وعملنا فرح على الضيق في نوفمبر، والفرح كان في ديسمبر، وزينب ولدت في نهاية يونيو، وبنتنا مجتش بعد 6 أشهر، وأنتو بتخوضوا في أعراضنا".

وأضاف احمد حسن : إحنا مبنكسبش 30 ألف دولار في الشهر، وأقصى حاجة ممكن الواحد يوصلها في مصر شهريًا 2000 دولار فقط، خاصة في شهر رمضان بسبب كثرة الإعلانات، كبيرنا في العادي ألف دولار".

يذكر أن الثنائي احمد حسن وزينب أعلنا اعتزال «السيوشيال ميديا»، الاثنين، بعد حالة من الجدل أثيرت مؤخرًا بدعوى "استغلال رضيعتهما في الترويج لمحتواهما، والتربح عبر إعلانات الإنترنت".