التوقيت الثلاثاء، 15 يونيو 2021
التوقيت 12:08 م , بتوقيت القاهرة

زوجة الشهيد أحمد عبده: شعرت بوفاته قبل الحادث بأسبوع وترك لي هذه الرسالة

أكدت رشا محمد محمود، زوجة الشهيد الرائد أحمد محمد عبده إسماعيل، أن زوجها كان يحب الرئيس عبدالفتاح السيسي قبل أن يتولى رئاسة الجمهورية، وأنه قبل استشهاده يوم 25 يناير من عام 2014 وعدها هي وأطفالها أن يحقق لهم كل رغباتهم.


وتابعت: "أحمد قال لي: هعمل لك كل اللي إنتي عايزاه، هنروح لوالدتك وهجيب اللعب اللي عايزها عُمر، وكل حاجة إنتو عايزنها.. قفل.. ورجع اتصل تاني.. قالي رشا.. أنا بحبك أوي.. سلميلى على عمر أوي.. وهاتيله الحاجة اللي هو عايزها.. وقوليله أنه هيوحشني أوي.. بس بكرة هيبقى أحلى".


وأضافت زوجة الشهيد في تصريحات صحفية، أن زوجها كان متفانيًا في عمله ويعشقه لأقصى درجة، ولم تكن تعلم أنه يعمل في العريش، وكان حريصًا على حفظ أي معلومات تتعلق بعمله دون الإفصاح عنها، بل كان يردد دائمًا: "كل رصاصة مكتوب عليها صاحبها، ولما أبقى شهيد إنتي ليكي ربنا".


وأردفت أنها شعرت بوفاته قبل الحادث بأسبوع، وكان دائمًا هاتفه مغلقًا، وقبل أن ينل الشهادة قال لها: "أنا جاي، أنا فرحان، جهزيلي الأكل اللي بحبه، وهجيب للولاد الألعاب اللي بيحبوها، اللي عايزه ربنا يكون، كأنه كان بيقول عشان ربنا يسمع منه ويبقى شهيد، وكان بيمهدلي إني هبقى زوجة شهيد".


اقرأ أيضًا.. 


مشروع قانون بتخصيص 40% من أموال الإرهاب المصادرة لأسر الشهداء


السيسي: التاريخ سيكتب أسماء الشهداء بحروف من نور