أطلق جمهور الفنان عمرو دياب هاشتاج "عمرو دياب" على موقع التدوين الإلكتروني "تويتر"، للرد على ما قالته الفنانة شيرين عبد الوهاب أثناء حفل زفاف عمرو يوسف وكندة علوش، حيث قالت "إحنا مبقاش عندنا في مصر غير تامر حسني وحماقي إحنا حليتنا غيرهم.. والتاني خلاص راحت عليه"، وهو ما اعتبره الكثير بأنها تقصد بهذه الكلمات الفنان الكبير عمرو دياب.

قالت منى الجبالي، "هضبة التبت تسمي سقف العالم لأنها تفوق الجبال ارتفاعا، وعمرو دياب بالنسبة لأجيال متعاقبة هو هضبة التبت سقف السعادة والحزن"، وتابع زيزو، "جميل أوي لما تيجي أغنيه توصف احساسك فلحظته لكن مفيش أجمل من انسان قدر بعبقريه يوصف مشاعر أجيال وكانه معاك في كل مراحل عمرك عمرو دياب عظيم".

وأضاف أحد المدونين، "عمرو دياب مين اللى كبر يا شيرين .. لو بالشكل ف هو المفروض يقولك يا طنط"، وأكد أخر، على أن "شيرين وعمرو دياب اتنين مينفعش حد يغني أغانيهم، مستحيل اتقبل أغانيهم غير منهم".

واستطرد أحمد، "علمتك معني الحب وأجمل شوق وغرام ومعلمتكش القسوة دي مش محتاجة علام أصل انت أكيد من الأول كدة والقسوة دي فيك عمرو دياب بيقصف جبهات"، وتابعت أمل، "أنا كل خوفي ان عمرو يوسف وكنده يعملوا فرح تاني عشان يعتذروا لـ عمرو دياب" .