قالت المطربة شيما بطلة كليب عندى ظروف: "المنتج والمخرج حسام بدران طليق ساندى هو صاحب فكرة الكليب، وكليب عندى ظروف مأخوذ من كليب أجنبى لكننا اتفقنا أنه مش ها يكون نفسه بالظبط وهنغير فى ملاحمه بحيث لا يكون نسخة طبق الأصل".

وأَضافت فى تصريحات لـ"دوت مصر": "هو زود حاجات من عنده، وياريت ما زودها أصلا، وكنا عملناه زى الأجنبى، لأن فى التصوير بيكون فى استراحة ممكن نهزر أو نلعب فيه عادى، فللأسف كان بيصور كل المشاهد اللى أثناء الراحة وحطها ضمن مشاهد الكليب وأنا مكنتش أعرف انه هيعمل كده".

وتابعت: "حسام بدران قام بعمل مونتاج الكليب ونزله على اليوتيوب من غيره ما اشوفه، لأن لو شفته بالشكل النهائى مكنتش هقبل ينزل أصلا، أنا ذهلت لما نزل ومكنتش مصدقة أن الحاجات اللى بنعملها فى البريك حطها فى الكليب، ومكنتش راضية على نفسى من منظر الكليب عموما، وكان ممكن ناخده بشكل احسن لان كان فى مشاهد حلوة، لكن هو اخد المشاهد المثيرة واللى فيها ايحاءات فده مش ذنبى خالص لانه من ورايا".