قالت المطربة شيما بطلة كليب "عندى ظروف"، لم أتخيل القبض عليا بسبب أغنية، خاصة أن هناك آخرين فعلوا أكثر من ذلك ولديهم جرأة أكثر ولكن لم يحدث لهم شيء، وده يمكن لأن زمان مكنش فى سوشيال ميديا زى دلوقتى تسلط الضوء عليك فالناس تتحدث كثيرا والموضوع يقلب فى لحظة إلى رأى عام.

وتابعت: أنا شايفة إن اللى حصلى ده بسبب السوشيال ميديا وكرهتها جدا، لأن الناس ظلمتنى وحكموا عليا بسرعة  من خلال مشاهدة الكليب فقط، ولم ينظروا إلى عمرى الصغير ولا أنى بدرس ولا حلمى اللى بحلمه وحكموا عليا كأن عمرى 30 سنة، وكمان السبب فى اللى حصلى هو حبى للشهرة وإنى أكون مطربة خلانى مبصش لأى حاجة.