علقت الإعلامية هند فرحات، على تصريحات الإعلامي تامر أمين، التي قال فيها "اللي مش عاجبه البلد.. يغور منها"، خلال برنامجه من الآخر على روتانا مصرية، حيث قالت "مش هنغور وقاعدين على قلبهم".

وأضافت فرحات، خلال برنامجها "حد يفهمنا" الذي تقدمه على قناة العاصمة، موجهة حديثها لأمين "أخبار التكييف في ستوديو روتانا إيه؟ وطبعا إحنا عارفين مرتبات روتانا أد إيه.. إزاي تقول للمشاهدين غوروا.. محدودو الدخل والغلابة هما اللي بيتفرجوا عليك وخلوك قاعد في روتانا ومش حاسس بيهم.. يبقى ممتكلمش عليهم".

وتابعت فرحات "ارحموا الناس وبلاش تخوين لكل من يطالب بحقه، ومن أعطاك الحق لتتكلم باسم الرئيس السيسي، وما المشكلة في أن يطالب محدودو الدخل بحقوقهم".