وفى الحلقة الأولى من برنامج " مغارة على بابا"، يقول إيهاب عزب، أحد ضحايا مستريح البيتكوين، إنه باع كل أملاكه، مستطرداً:" كان عندى عمارة بعتها كلها شقق، وكنت بتعامل مع شركة لاستثمار البيتكوين، والشركة التزمت معانا شهرين، والشهر الثالث قفل، أنا كنت حاطط ما يقرب من 2 مليون ومراتى دافعه مليون جنيه، بإجمالى 3 مليون جنيه لمستريح البيتكوبن".

وأضاف ضحية المستريح، "أنا معنديش أي مصدر دخل كنت مليونير، دلوقتى ساكن بالإيجار، معنديش أي فلوس أقدر أصرف على ولادى، ابنى خد الثانوية معرفتش أدخله كلية، مش قادر حتى أدفع الإيجار"، مؤكداً أنه ملتزم بالتحقيقات وقررات المحكمة، بعد أن تعاطف مع المتهم من قبل وقام بدفع مبلغ 100 ألف جنيه لإخراج المتهم من محبسه على أمل ان يعيد الأموال لأصحابها، موجها رسالة للجميع:" أوعى تمشى ورا مستريح، اشتغل أنت بنفسك".