بيبسي "مكملين حملتنا".. والـ "سوشيال" كفاية تحضير أرواح
الجمعة، 26 يونيو 2015 11:51 م
بعد انتظار قارب العشر الأوائل من رمضان، أفرجت بيبسي أخيرا عن حملة تسويقية جديدة عبر إعلان بث أمس الخميس، وهو إيذانا بانطلاق حملة "كوكاكولا"، في أحد أشهر كلاسيكو حملات التسويق في شهر رمضان.. "دوت مصر" يرصد أراء الـ "سوشيال" حول إعلان بيبسي بشعار"مكملين حملتنا"..
نستنى إعلان كوكاكولا ونترقب بقى ?— Mirna El Helbawi (@Mirna_elhelbawi) June 25, 2015
من أكثر التغريدات انتشارا حول حملة بيبسي الجديدة كانت تغريدة ساخرة، حيث يسأل طفل أباه قائلا "بابا اللي بيموت بيروح فين"؟ فيجيب عليه الأب قائلا: "إعلان بيبسي يا حبيبي".
اصعب احساس في الدنيا لما تتفرج علي اعلان بيبسي من أوله لأخره أكتر من 100 مره وبرضو متلاقيش جدتك الله يرحمها وسط الناس اللي في الإعلان — Ga3Fa? (@thegaafar) June 25, 2015
-بابا هو اللي بيموت بيروح فين؟ - اعلان بيبسي يا حبيبي.— george azmy (@george_azmy) June 25, 2015
اعلان بيبسي خلاني ادمع بجد. فكرني بذكرياتي مع فطوطة اللي عرفته من اعلان بيبسي اللي فات بردو— هادي (@Hadeezz) June 25, 2015
بيقولك إعلان بيبسي هينزل بعد كده في صفحة الوفيات مش هينزل صفحة أولى و نص صفحة و الحاجات دي— Rania (@RaniaAbdallah) June 25, 2015
السخرية من الإعلان لم تتوقف عند الفكرة، بل امتدت لتشمل الشخصيات التي أعاد بيبسي أرواحها للشاشة، كالكوميك الذى يكشف سر نظرة الفنان الراحل احمد زكي.
تعرف علي سر الدهشة علي وجه الفنان احمد زكي "الله يرحمه" في اعلان بيبسي pic.twitter.com/KaWs3R8Uzx — Ga3Fa? (@thegaafar) June 26, 2015
تأتى حملة بيبسى تحت ذات الشعار "يلا نكمل لمتنا" للعام الثالث على التوالي، والتي بدأتها عام 2013 بإعادة عمو فؤاد للشاشة، رغم وفاته في 2006، كانت الفكرة باختصار هي جمع أشهر ثنائيات الدراما الرمضانية: نيللي وفطوطة، بوجي وطمطم، وهكذا هو ما أثر في الكثيرين.
إعلان بيبسي بتاع عمو فؤاد دا ازاي كده. بجد عيني دمعت وانا بشوفه *Via internet explorer* — هادي (@Hadeezz) June 18, 2015
أما رمضان 2014.. استمرت بيبسي في الدعوة للم الشمل عبر إعادة أحياء أشهر كلاشيهات الثمانينات مثل دويتو هشام عباس وحميد الشاعري، وسمير غانم وشيرين ثنائي مسرحية المتزوجون، وكانت المفاجأة ظهور النجم جورج سيدهم رغم مرضه.
اعلان بيبسي مبهج مصحوب بشجن جميل ..اللي بكي لما شاف جورج سيدهم في اعلان بيبسي السنة اللي فاتت هو نفس الشخص اللي بكي لما شاف المبدع احمد زكي ونظرة هيثم ابنه له كأنه فعلا ادامه ..#شكرا_بيبسي Posted by Yasmin Mahfouz on Thursday, June 25, 2015
لكن لماذا يفضل فريق ببيسي اللعب على نستولجيا الحنين للماضي منذ 2013؟ العرض التفاعلي القادم يستعرض خطة الشركة الأم في تسويق منتجاتها، لنكتشف أن بيبسيكو مصر ملتزمة بإستراتيجية الشركة الأم في حملتها الإعلانية.
منذ 2013 قررت بيبسي أن تكون كافة إعلاناتها تحت شعار موحد هو "تذكر الماضي.. لكن أفخر بالوقت الحاضر".. لذلك يغني الجسمي في الإعلان على نفس لحن العام الماضي قائلا "جه الدور عليكوا.. تكملوا أيامكوا بإيديكو.. ما تعيشوش في اللي فات.. واخلقوا ذكريات تكون لايقة عليكو".
#إعلان_بيبسى_وشيبسى_2015#إعلانات_رمضان بيبسى ...الإعلان رسالة :)"جه الدور عليكوا تكملوا أيامكوا بإيديكوما تعيشوش ف...Posted by O2 for Media Training on Thursday, June 25, 2015
فى السياق ذاته كان ظهور الفنان حسين الجسمي في الإعلان حاملا لفانوس رمضان مربك، خاصة وأن صوت الجسمي ارتبط لدى بعضا من المصريين بدعم تحالف 3 يوليو أكثر من ذكريات رمضان، البعض تساءل عن سر ظهور الجسمي بالإعلان بينما طالب البعض الآخر بمنحه الجنسية.
بيبسي بتهرج جايبين حسين الجسمي يغنى طب مجابوش عبد الحليم ليه #اعلان_بيبسي — ابو سمره القاهري (@SAMERBAYAN) June 26, 2015
مش فاهم ليه إعلان بيبسى شبه حكم عبد الفتاح السيسي. Posted by Omer Taher on Thursday, June 25, 2015
بعد ظهور الفنان الاماراتى حسين الجسمى فى اعلان بيبسى انا شايف ان كوكاكولا مش لازم تسكت و تنزل باعلان فية الكاتبة الكويتية فجر السعيد — حطى كلونيا حطى جاتوة (@mezo83) June 25, 2015
