التوقيت الثلاثاء، 27 أكتوبر 2020
التوقيت 12:28 ص , بتوقيت القاهرة

حسين فهمي : سعاد حسني لم تنتحر وتعرضت لجريمة قتل مدبرة وعندي الدليل

 حسين فهمي و سعاد حسني
حسين فهمي و سعاد حسني

كشف الفنان حسين فهمي خلال ندوته باليوم السابع عن الغموض الذي يحيط بوفاة الفنانة سعاد حسني في ظروف غامضة ، وتردد أقاويل ما بين احتمال انتحارها نظرا لظروفها النفسية التي كانت تمر بها  ، أو تعرضها لجريمة قتل مدبرة حيث أكد فهمي الاحتمال الأول .

وفند فهمي كل الدلائل علي مقتلها حيث قال " سعاد حسني لم تنتحر بل قتلت وعندي دلائل علي ذلك  ، وقبل وفاتها أنا كلمتها بخصوص تكريمها في مهرجان القاهرة وقامت بإرسال 20 دقيقية  صوت رساله للمهرجان فقمت بإذاعة ما يمكن منه حسب وقت المهرجان فكانت في منتهي التفائل وكانت بتكلمني عن عمل جديد يجمعنا ويكون كوميدي وقالتلي جايا مصر قريب ودا مش منطق واحدة هتنتحر .

 

وبعدين من خلال مكالمة قبل الحادثة بثلاث أيام  ، قالت لي أنا خرجت من المستشفى وسحبت فلوسي من البنك 100 الف جنية إسترليني وقاعدة مع واحدة صحبتي وبعدين اتضح انها ولا صاحبتها ولا حاجة اللي هي نادية يسري.

 

وبعدبن لما حصلت الحادثة كلمت دكاترة صاحبي قالو لي اللي بينتحر لا يستطيع أن يكون علي بعد اكثر من متر ونص بعد عن المبني ، وهي كانت علي بعد 5 متر ،  ثانيا المنتحر بيكون في دم من الجثة مكان السقوط ودا طبعا لم يكن هناك دم  في حالة سعاد ،  وبعديت شبكة البلكونة مقصوصة بمقص يعني اللي هينتحر دا فاضي يقص بالمقص ثم أن سعاد كانت بتاخد حبوب مهدئة فلو عاوزة تنتحر كانت خدت حبوب وخلاص مش لازم الفيلم دا كله ، وبعدين فين الفلوس اللي سحبتها وسجل مكالمات التليفون كلها ممسوحة .