تعرف على حظك اليوم ل برج العذراء مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج العذراء عاطفياً

( الكراش والإكس والبوي والجيرل فريند والجوز والزوجة والقرايب ):

قلبك محتاج يتفك من مكانه ويتغسل بمية وصابون عشان ينتعش ويرجع تاني يحب العالم المحيط..حاول تعمل كدة بالمزيكا النهاردة..اتمنالك تنجح..

حظك اليوم برج العذراء عملياً 

( الشغل والمذاكرة والتخطيط لبكرة ):

محتاج براح كبير وواسع جدا خصوصا ف نفسيتك وف خيالك مش مجرد براح حوالين جسمك..انتا مخنوق وحاسس انك مجبر تعمل حاجات كتير انتا من جواك مش مقتنع بأهميتها غالبا.. حاول تعدي الايام حبة ومتفكرش كتير..خلص اللي وراك وثق ان الايام اللي جاية جاية معاها حاجات حلوة كتير فعلا.. وهترجع تنبسط وتزقطط من تاني وبشكل كبير وحر.. إتقل بس حبة وعدي الايام..مش أكتر.

حظك اليوم برج العذراء صحياً 

( نفسيا وجسمانيا وكل مايخص طاسة المزاج ):

المحشي يحمل سر الحياة النهاردة..وقت المساء والسهرة مشجع على الخروج ومناسب لصحبة حلوة ومتفهمة لأفكارك وطبيعتك المختلفة عن باقي البشر..

إعرف توافق برج العذراء مع باقي الأبراج النهاردة

متوافق مع الابراج النارية والهوائية

من مشاهير برج العذراء

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.