التوقيت الجمعة، 29 مارس 2024
التوقيت 11:04 ص , بتوقيت القاهرة

فستان زفاف وقاعة أفراح.. طقوس جديدة للاحتفال بعيد الزواج

جلسة تصوير بفستان زفاف


حين تتصفح صور زفافك بعد عدة سنوات تشعر بأن هناك العديد من الأشياء كنت تحلم بها لم تتحقق أو يأتيك سؤال تقليدي من طفلك الصغير"ماما هو أنا محضرتش الفرح ليه؟". 


لهذا السبب قرر "محمد وعبير" التفكير خارج الصندوق وعمل احتفال بعيد زواجهما بشكل مختلف،  حيث قررا ان يكون الاحتفال بجلسة تصوير، وارتداء فستان زفاف وبدلة كأنها ليلة الزفاف.


الزوج وابنه


وكان الأمر المختلف أن معهما أطفالهما، "سوفانا" 3 سنوات، و"سيف" 7 سنوات.


الزوجة وبنتها


وتقول عبير "دايما الاحتفالات الغريبة والمختلفة بنشوفها بره فى كل دول العالم وغالبا بيعملها المشاهير، لكن احنا معندناش ثقافة الاختلاف دايما ماشيين مع الجماعة، نشوف اللى الناس بتعمله ونعمل زيهم".


وأضافت عبير، في تصريحات خاصة ل"دوت مصر"، أن حفلات الزواج في مصر لها طقوس نمطية ومتشابهة مع طقوس الاحتفال بعيد الحب، مشيرة إلى أرادت الاحتفال بعيد زواجها بشكل مختلف، وأيضا أن يكون مقتصرًا على زوجها وأولادها، وكانت الفكرة أن يعيدا مراسم الزفاف ولكن بشكل مختلف هذه المرة.


الزوج والزوجة في جلسة التصوير


وتابعت: "فيه أخطاء بتحصل فى الأفراح فممكن تلاقينا غير راضيين عن الميكب أو التصوير كان عادى أو لأنه مكنش فى موضة "الفوتوسيشن"، بالإضافة إلى شغف الأطفال بمعرفة تفاصيل زواج مامتهم وباباهم، والأسئلة اللى دايما بتتكرر من عينة "إحنا كنا فين وليه محضرناش الفرح".


وأضافت "أخدنا القرار السنة دى وهى السنة الثامنة من زواجنا لأنه أول توقيت كان مناسب لينا بعد ما الفكرة جت فى دماغنا ونظمت كل التفاصيل فى حدود الميزانية اللى حددتها وتم الاحتفال".


 وعن ردود الأفعال قالت عبير "ناس كتير كانت معجبة جدا بالفكرة والتعليقات على السوشيال ميديا بتقول إن فى ستات كتير جدا فكروا فى الموضوع ده لكن محدش نفذ خالص لأن الفكرة بتتقابل غالبا باستهجان من الطرف التاني، وناس طبعا انتقدتها واعتبروها تفاهة وتضييع وقت وشو وفلوس زيادة مش عارفين نصرفها فين".


فرح جديد


الزوجة والزوجة في الكوشة


أما عصام ومنال فكانت فكرتهما مجنونة للغاية، فبعد 18 سنة زواج قررا تأجير قاعة فرح واستعدادات كاملة للفرح من فستان زفاف وبدلة وكوشة وسيارة للزفة ودعوة للمعازيم عبر موقع التواصل الاجتماعي فيس بوك، واعتبرها البعض جرأة وفكرة غريبة قد لا تصلح للتنفيذ في مصر.


الزوج يقوم بتلبيس الدبل