التوقيت الإثنين، 14 أكتوبر 2019
التوقيت 12:48 ص , بتوقيت القاهرة

هنيدى: لما دخلت حقوق والدى قال "وكيل نيابة" هيكسر الدنيا

قال النجم محمد هنيدى خلال ندوته بالجامعة الأمريكية، علاقتى بوالدى لا تختلف كثيرا عن والدى بفيلم "صعيدى فى الجامعة الامريكية، اللى هو الاب المصرى الشقيان على ولاده وبيخاف عليهم لغايةلما كل واحد يشوف طريقه.

وتابع: والدى كان فرحان اوى لما دخلت كلية حقوق وكان قايل لكل الناس فى وكيل نيابة جاى هيكسر الدنيا هنا، وبعد ما اترفدت فحصل صدمة فسالنى ايه موضوعك، قلتله انا بحب التمثيل فقالى طيب ماشى ربنا معاك.

وأضاف: دخلت أول مسرحية ليا بعد 4 سنين اسمها "دكتور زعتر"، وكنت بقول جملة واحدة فعزمت ابوية فقالى بقيت تمام قلتله تعالى وشوف، وكان عازم ناس صحابه وطبعا لما شاف انها جملة واحدة اتصدم وو كانت ليلة سودة، ولم يقتنع بالموضوع الا لما عزمته على مسرحية حزمنى يا، وبقى بيتابعنى بعد كده بقى علطول.

وكان طلاب الجامعة الأمريكية أختاروا محمد هنيدى فى جلسة حوار مفتوح مع الطلاب  وذلك للاحتفال بمرور 20 عاما على فيلم "صعيدي في الجامعة الأمريكية" تحت شعار " خلف راجع".

يذكر أن فيلم "صعيدي في الجامعة الأمريكية" إنتاج ١٩٩٨، و تأليف مدحت العدل، وإخراج سعيد حامد، وبطولة محمد هنيدي، ومنى زكي، وأحمد السقا، وهاني رمزي، وطارق لطفي، وغادة عادل ، و يعكف حاليا السيناريست مدحت العدل على كتابة الجزء الثانى من الفيلم، لإنتاجه قريبا .

 

لمزيد من الفيديوهات الإخبارية والرياضية والسياسية والترفيهية