كشف المطرب الشعبي سعد الصغير عبر حسابه الرسمي بموقع الصور "أنستجرام"، عن الأسباب الحقيقة لوفاة الراقصة "غزل"، التى توفت أمس الخميس نتيجة خطأ طبي .

ونشر سعد صورة لغزل بالحجاب ، معلقاًعليها قائلاً "البقاء لله الفنانة الاستعراضية غزل ربنا يرحمها يارب ويغفرلها، أنا بس ياجماعه كنت عايز أوضح حاجة بسيطة بس علشان أنا من الناس اللي عارفه الموضوع وكمان اللي حصل بالظبط غير الإشاعات اللي بتنزل دلوقتي والحوارات دي كلها في حد ربنا افتكره، أقول الحقيقة علشان حرام اللي بيتقال على حد ربنا افتكره، الموضوع كله إن الفنانة الاستعراضية غزل كانت حامل" .

وتابع أنا مقرب جدًا من جوزها وعلى الساعة 1 ونص كدا لقيت جوزها عمرو بيكلمني وقالي ياسعد غزل بتقولي أنا هموت، خلصت الشغل وروحت ليهم على المستشفي وبعدين اتقابلنا أنا وعمرو وطالعين لاقيناها توفيت .

وأضاف المهم اللي حصل إنها كانت حامل واتزحلقت، والبيبي نزل من شهرين، فراحت لمستشفى كده لدكتورة ابتدائية باين عليها لسه، قالتلها في باقي جنين لسه، قالتلها أنا هعملهالك، لكن وهي بتعمل العملية خدت بنج زيادة فتوفيت، ربنا يرحمها، وأنا بس قلت أوضح للناس كلنا رايحين لله مهما كان الشخص ده .