دلع ودنك معانا

ودنك هي حلقة الوصل بينك وبين العالم ..يعني لازم تهتم بيها وتقدرها اكتر من كدة على فكرة ..وهي مطالبها سهلة وبسيطة ..يعني مش هتطلب منك تخرجها ولا تأكلها ف مطعم غالي ..كل اللي هي محتاجها إنها تتسلطن وتسمع حاجات تنعشها وتفرفشها من فترة للتانية ..وبما إن مهمتنا هي إسعاد ودان كوكب الأرض ..ف قررنا نفضي نفسنا كل يوم حبة عشان بس ننقيلك الحاجات اللي تفرفشها وتنعشها..

وكل المزيكا الجميلة دي هتلاقوها بكل الأذواق والمقاسات ف اكتر من بلاي ليست ف قسم المزيكا  عندنا ..وأكيد هتلاقي اللي يفرح ودن حضرتك..

النهاردة بقى هناخد ودانكم ف مشوار صغير.. لأقرب عربية فول عشان نضربلنا طبق فول محوج مع كوباية شاي متينة.. ومفيش مانع تفتح نفسك زيادة بـبلاي ليست من الأغاني الشعبية الجميلة اللي تسلطنك وتعلي مزاجكك.. بنتمنالك يوم منعش وجميل.. وبلاش بصل كتير مع الفول.. إستمتعوا