عرضت الدمية الشهيرة أبلة فاهيتا، مجموعة من ردود فعل الإعلاميين على واقعة دخول حمار إلى مطار القاهرة، خلال الأسبوع الماضي.

وكان من أطرف التعليقات التي عرضتها تعليق الإعلامي أحمد موسي، عبر برنامج "على مسؤوليتي" على شاشة صدى البلد، عندما قال: "ازاي الحمار ده يوصل إلى المطار، مفيش حد هنا موجود، ازاي، الحمار ده ممكن يبقي مفخخ".

وعلقت فاهيتا على موسى، عبر برنامجها الدوبلكس، على شاشة سي بي سي: "يا خبر الحمار طلع مفخخ، إحنا محاطين بمجموعة من الحمير، الحمار ده ثرونتا القومية، ولو شكينا في كل حمار، مش هننزل من بيوتنا، إحنا آسفين يا حمار".

وأضافت فاهيتا: "مش بعيد كان ممكن ياخدوا الحمار ويعلقوه في القسم من حوافره، ويطلع هو اللي رمي الفوسفات فى النيل، ووقع كوبري المنصورة، ده كده الثغرة الأمنية اللي بيقولوا عليها طلعت واسعة خالص، علشان يدخل منها حمار".