كل واحد فينا كان ليه اسم تاني غير اسمه، من وهو صغير، ممكن يكون معروف بين الناس عادي، وممكن يكون مش معروف غير بينه وبين صحابه بس أو في وسط أهله.

لكن الأهم أنه ممكن نكون بنحبه، وممكن يكون محرج بالنسبة لينا، وساعات بيرتبط بيك لدرجة إن فيه ناس بتفتكره اسمك الحقيقي، أو تشتهر بيه لدرجة إن ناس من اللي حواليك، حتى مش عارفين اسمك الحقيقي ايه.

هاشتاج #ألقاب_الطفولة، تداوله المغردون على موقع التواصل الإجتماعي، تويتر، منذ أمس الخميس، ومن خلاله تقدر تعرف كل واحد كان اسمه أيه وهو صغير، أو الناس القريبين منه بينادوا عليه بأي اسم.