التوقيت الجمعة، 29 مارس 2024
التوقيت 03:13 م , بتوقيت القاهرة

فيديو| العطار: حفلة "أوكا وأورتيجا" تحدي بالنسبة لـ دي كاف

قال مدير مهرجان دي كاف، أحمد العطار،  تعليقا على مدى الإقبال على المهرجان في نسخته الرابعة: "الإقبال السنة دي كويس جدا الحمد لله، ومن السنة اللي فاتت في فروع معنية من البرنامج فيها كامل الحضور، وفعاليات تانية أقل زي السينما والمسرح والندوات، لكن السنة دي الجمهور بدأ يزيد في الفروع دي من الفنون، واعتقد إن ده حاجه كويسة وبيعتبر مؤشر إن المهرجان جمهوره بيزيد".


وعن اهتمام "دي كاف" بموسيقى وأغاني المهرجانات قال: "أعتقد اللي يرد علي ده أفضل مني محمود رفعت منظم برنامج الموسيقى في المهرجان، بس أعتقد الفكرة هنا هو تقديم دي كاف للموسيقي المعاصرة، والمهرجان يعتبر معاصر بالنسبة لنا في مصر، لأنه طالع من المجتمع، ودي اللي بيوازيها الإليكترونيك وغيرها من أنواع الموسيقي برة".



وفيما يتعلق بـ حفل "أوكا وأورتيجا" في الجريك كامبس خلال الأيام المقبلة ضمن فعاليات دي كاف، قال العطار: "متوقع إنها هتبقي حفلة جميلة، وهي تحدي بالنسبة لنا لأن المكان يساع لـ 2500 شخص، لأن دايما العدد كان أقل، والمكان كمان مفتوح فإحنا بنستعد لها من دلوقتي".


وعن الوجود الأمني في تلك الحفلة بشكل خاص لأن طبيعة الجمهور مختلف، ومن طرق تعبيره عن فرحه هو إشعال "الشماريخ" أوضح العطار: "كل حفلاتنا بنأمنها طبعا، واللي عايزين نحققه هو الحفاظ علي سلامة الجمهور، وكل الناس تتبسط من غير ما أي حد يتأذي".