شنت الفنانة زينة، اليوم الأربعاء، هجوما حادا على الفنان أحمد عز، بعد رفض النيابة دعوى إثبات النسب قائلة له"عيب قوي اللى أنت بتعمله ده، يا أحمد يا عز فضحت نفسك وفضحتنا معاك، مش رجولة أنك تحارب أطفال، وواحدة ست أمهم، اللي أنت اتجوزتها، والحقيقة عندك وعندي وعند ربنا، الناس لو عرفت الحقيقة مش هترحمك في الشارع، وأنا عندي كلام كثير وبالمستندات".

وقالت زينة خلال مداخلة هاتفية مع الإعلامية شريهان أبوالحسن، ببرنامج "ست الحسن"، على شاشة أون تي في، "أنت رميت طفلين، روح اتبرع بالفلوس اللي بتصرفها على المحامين، لمستشفى 57357، ولادك اللي كانوا عيانين في المستشفى، أنت صعبان عليا وصعبان عليا اللي بتعمله، مش هسيب حقي وحق ولادي وهاخد حقي من حبابي عينيك، حسبي الله ونعم الوكيل فيك".

وتابعت زينة حديثها "أنا مذهولة أن فيه ناس كدا، المفروض يكون عندك إحساس عشان أنت فنان، جمهورك مابقاش بيحبك دلوقتي، بعد اللي أنت عملته، ربنا بيستر، استر يا أحمد يا عز، ولادك هيعرفعوا ياخدوا حقهم منك كويس، روح اعمل تحليل الـ DNA.

وختمت زينة حديثها قائلة "أنا محترمة أولادي إلى النهاية، والحقيقة هاتتقال في يوم من الأيام، لو مكنش النهاردة يبقي بكرة، يا أحمد عز ولادك هايعرفوا يأخدوا حقهم منك، وعندي ثقة في القضاء، ومتفائلة خير".