التوقيت الجمعة، 29 مارس 2024
التوقيت 01:47 م , بتوقيت القاهرة

فيديو| الحسيني عن ذبح كلب الأهرام: "أنا رايح أتعالج عند دكتور نفسي"

علق الإعلامي يوسف الحسيني على فيديو ذبح كلب شارع الأهرام، معتبره يعبر عن مجموعة من الهمج والضواري البشرية، مضيفا "أعتقد دكاترة علم النفس المفروض الفترة اللي جاية هايبقوا ليهم دور مهم، أنا أول واحد رايح أتعالج عند هشام حتاتة صاحبي، أنا هاروح أتعالج أنا جايلك يا هشام، كل واحد فينا جواه مصيبة".


وأضاف الحسيني خلال برنامجه السادة المحترمون، على فضائية أون تي في، اليوم الأربعاء، قائلا "الكلب ده مخلوق ضعيف وظل ينبح متألما في انتظار تعاطف الإنسان معه ومافيش حد بيدخل".


وتابع الحسيني "فكرة العنف في المجتمع بقت منتشرة بشكل يحتاج وقفة، وفكرة العنف ضد الحيوانات في مجتمعنا كمان محتاجة وقفة، غير الكلب اللي اندبح ده كان في من أسبوعين واقعة في حديقة الحيوانات بالإسكندرية بمنطقة الحضرة، بعض الشباب قاموا بالنزول إلى جبلاية القرود والجري وراء القرود وضربهم بالعصيان، وإلقاء الحجارة عليهم، لأ وسرقوا الموز بتاع القرود، ونفس الموضوع حصل أيضا من فترة في جبلاية القرود بحديقة حيوانات الجيزة".