توالت ردود الفعل على اعتزال علي طالباب الفن، حيث قال الرابر إم سي أمين، في تصريح خاص لـ"دوت مصر"، اليوم الثلاثاء: "على فكرة أنا شخصيا زهقت، بالذات من الكلام في السياسة، لأن الشعب مش بيستجيب ولا بيتغير".

وأوضح أمين: "في سببين ممكن يدفعوا الرابر للاعتزال، الأول إنه يكون شطّب ومفيش عنده حاجة يقولها، والثاني إنه يبقى مش لاقي مقابل مادي من اللي بيقدمه".

وتابع: "لكن أنا شايف إنه لو الشخص رابر بجد وعنده حاجة عايز يقولها، ومصمم يعملها مش هيبطل، ولو اللي بيقدمه ملوش مقابل، ممكن يدوّر على شغل تاني يجيب له فلوس، وبرضه يعمل مزيكته عادي، ويحطها على الإنترنت عشان الناس تسمعها".

يذكر أن إم سي أمين يعد من أقدم الرابرز الموجودين في مصر، وهو ابن مدينة المنصورة، إضافة إلى أنه أحد الأعضاء البارزين في فرقة "Arab league"، التي تضم عدد من الفنانين والمبدعين في عدة مجالات، منها: الكتابة، الغناء، التلحين، التوزيع، التصوير، المونتاج، الجرافيك.