التوقيت الجمعة، 29 مارس 2024
التوقيت 04:23 م , بتوقيت القاهرة

7 قواعد لتصبح صانع كوميكس

الكوميكس، تعليق ساخر، على موقف جاد، سواء كان سياسيا، أو اجتماعيا، المهم أن تكون المفارقة حاضرة، لتنتزع الضحكات، وتعد أغلب صفحات الكوميك المصرية اليوم، تطورا بشكل ما لفن الكاريكاتير، لذا تحظى بعدد واسع من المتابعين، على موقع "فيس بوك".


أسباب تفضيل صفحات الكوميكس عديدة، منها أنها قد تكون مصدرا غير تقليدي لمتابعة مجريات الأحداث، ويعتمد أغلب الناشرين بتلك الصفحات، على متابعة جيدة للأحداث السياسية والاقتصادية، وعلى مخزون واسع من الصور النمطية، سواء من مشاهد سينمائية، يتم توظيفها، أو من شخصيات غير متغيرة، مثل شخصيات ديربي، وآساحبي، والضفدع فلوجي.


لكن كيف تستطيع أن تصبح صانع كوميكس؟


أولاً : دعنا نتفق أن الرسم ممارسة، وبالتالي فلن تصبح فجأة رساما، لمجرد أنك ترغب في هذا، من الأفضل أن تركز علي جمع الصور، وإعادة تحريرها ببرنامج بسيط.



ثانيًا : شوف أفلام السبكي كتير، معظم القفشات تأتي من إنتاج الحاج محمد السبكي، وقفشات "علي ربيع" ماركة مسجلة.



 


ثالثًا : عندك بروفايل علي الفيس بوك؟ مش مهم! لكي تصبح رسام كوميكس عليك أن تنضم لحلقة الساخرين المصريين أو  Egypt's Sarcasm Society .



رابعًا : اختارلك "كاركتر/ شخصية"، وثبتلك لازمة في بداية أي كلام، زي حط  "آ" في بداية أي كلام "آعايزك" / "آجيت" المهم اخلق انطباع وصمم عليه.



خامسًا : ركز وفكر كويس في جملة الحوار قبل ما تكتبها، خليك مختصر، وجملك قصيرة، محدش فاضيلك، وده مش مقال.



سادسًا: فكر في اسم يكون شيك وفريد من نوعه، وده معناه إن اسمك لو "محمد أحمد" ، خليه " مهند المصري".



سابعًا : ماتركزش في كل اللي فات ده لو معندكش صفحة علي الفيس فيها علي الأقل 500 شخص، عندهم استعداد يشيروا اللي أنت بتنشره، أيا كان، لأن ساعات كتير هيطلع منك حاجات بايخة، وبرضك الناس هتشيرها، وجايز ساعتها تعمل كوميكس تتريق فيه على حالك!