التوقيت الجمعة، 30 سبتمبر 2022
التوقيت 05:13 م , بتوقيت القاهرة

فيديو| "أبو عمار" أول من كتب أغاني المهرجانات

<p>استكمالا لمجموعة الحوارات التي أجريناها مع رواد فن "المهرجان" أو كما يطلق عليه في الوسط "إلكترو مهرجان"، سواء كانوا "ملحنين" أو "فوكال" خاصة الحوارات التي أجريناها مع من سيقدمون قريبا ألبوما يعرض المهرجان بشكل مختلف عما سبق من خلال الآلات الحية التي سيتم استخدامها فيه، ذلك عكس ما كان يحدث في السابق من اقتصار استخدام موسيقى الدرامز فقط، إليكم حوار مع عدد ممن يكتبون كلمات الأغاني وأولهم "أبو عمار" أول من كتب أغانى المهرجانات.</p><p><span style="color:#FF0000;">عرفنا عليك أكتر؟</span></p><p> أنا 24 سنة، خريج  ثانوية أزهرية، وكملت في معهد ألسن مدينة نصر.</p><p><span style="color:#FF0000;">بدأت تكتب من إمتى؟ </span></p><p>من 2008</p><p><span style="color:#FF0000;">أول حاجة كتبتها إيه؟</span></p><p>"طول عمري عايش في التوهان"، دي اللي غناها فيجو؟ لا اللي غناها أول واحد هو "ميشو العويل"، وبعدين عادها فيجو ونجحها أكتر.</p><p><span style="color:#FF0000;">هل بتشتعل مع فرقة معينة؟</span></p><p>من أول ما بدأت ما اتعملتش مع ناس بعينها، بس أول طلعتي كانت مع "عمرو حاحا"، وعن طريقه اتعرفت ع الناس كلها ومنهم (المدفعجية - فيجو) وكذا فرقة تانية.</p><p><span style="color:#FF0000;">إيه أشهر أغانيك؟</span></p><p>في كذا حاجة بس منها على سبيل المثال (طول عمري عايش في التوهان - سمكة على بلطية – سنيجا - حكاية أم مصرية - وهم داير - خناقة مع "المدفعجية" - الرهان - طبلي شكرا - بنات السوشيال ميديا - الحيطة لها ودان - الفشار - قاعد وبفكر في الزمان).</p><p><span style="color:#FF0000;">إنت اللي بتقدم الفكرة للفريق ولا هما اللي بيطلبوها منك؟</span></p><p>وأنا بكتب الأغنية ببقى حاسس هي لايقة على مين أو زي ما بنقول بحس هي "لون مين"، فأنا اللي بوديها للشخص وأقوله "معايا لون لايق عليك"، وممكن حد صاحبي يطلب مني حاجة فاكتب عليها، بس لو الموضوع عاجبني، إنما لو مش عاجبني ما بكتبوش، إلا إذا كانت في إطار الكوميديا أو الألش.</p><p><span style="color:#FF0000;">بتختار موضوع الأغنية على أساس إيه؟</span></p><p>ساعات بيجي الموضوع من حاجة تستفزني، ساعات بيبقى موضوع عن الحب، أو الصحوبية، أو سياسة بلد، بمعنى أصح على حسب الحالة اللي بنعيشها.</p><p><span style="color:#FF0000;">إيه أكتر حاجة كتبتها قريبة ليك؟</span></p><p>أغنية "المعاملة".. كلماتها بتقول إيه؟ (المعاملة نفس المعاملة.. خلاص يا دينا مفيش مجاملة.. ليك حدود تقف عندها.. وكلام للناس كلها)، ودي غناها فيجو في 2010 تقريبا.</p><p><span style="color:#FF0000;">ليه دايما في المهرجان الناس بتتكلم عن قوتها وذاتها كتير في الأغاني؟</span></p><p>ممكن يبقى الموضوع استعراض قوة فعلا.</p><p><span style="color:#FF0000;">طب وأغنية "السوشيال ميديا بقى كلمنا عنها شوية؟</span></p><p>الفكرة أصلا مش بتاعتي، هي اتطلبت مني فعملتها، بتتكلم عن إيه بقى؟ عن كل البنات اللي بتقعد على فيس بوك وتويتر وانستجرام، اللي بيضيعوا وقتهم، واللي بيرفعوا صور مينفعش تترفع، فحاولنا نلخص الكلام ده كله يمكن يوصل رسالة لهم يستفادوا بها.</p><p><span style="color:#FF0000;">بس ليه بشكل ساخر؟</span></p><p>يمكن يحسوا، ما إحنا كلمناهم قبل كده ومفيش، بس دي كانت أول مرة أتكلم فيها عن البنات حبيت أجرب اللون، وفي بنات كتير علقوا ع الأغنية دي.</p><p><span style="color:#FF0000;">وإيه الجديد عند أبوعمار؟</span></p><p>في فيلم جديد في نص السنة مع سادات وفيفتي، أنا كاتبلهم فيه أغاني، وفي كمان ألبوم 100 نسخة، وفي شغل جديد مع صاحبي اسمه ميشو في فرقة اسمها "سيفن آب"، إن شاء الله يعجبكم.</p>