أبدت منى عراقي، مقدمة برنامج المستخبي، على شاشة القاهرة والناس، تعجبها من موقف الكاتب الصحفي مجدي الجلاد، مقدم برنامج لازم نفهم على شاشة CBC، من قضية حمام باب البحر التي فجرتها.

وقالت عراقي، في حوارها مع "دوت مصر": "مجدي الجلاد أستاذي، وتعلمت منه، لكنه أبهرني الصراحة، طلع بينتقد منى عراقي اللي بتنتقد الشمال اللي في مصر، وهو نفسه عنده برنامج اسمه لازم نفهم بيطلّع فيه الشمال اللي في مصر".

وتابعت مقدمة المستخبي "إيه يا أستاذ مجدي، حد يفهمني المنطق، هو عنده برنامج تحقيقات بيطلع بلاوي مصر، إنت إزاي زعلان إن منى عراقي عملت كده"، وبسؤالها عن تبرير هجوم الجلاد عليها، أجابت "ممكن يكون زعلان علشان أنا بنافسه، أنا مين علشان أنافس مجدي الجلاد، إزاي يا أستاذ مجدي تنزل لهذا المستوى"، وختمت "أنا مش فاهمة منطقه في الهجوم، دي إزدواجية غير طبيعية".