التوقيت الجمعة، 29 مارس 2024
التوقيت 04:38 م , بتوقيت القاهرة

فيديو| الجندي يتضامن مع أحداث فرنسا بالطاقية

ارتدى الشيخ خالد الجندي طاقية وبدلة خلال تقديمه لبرنامجه "نسمات الروح" المذاع على فضائية الحياة اليوم الجمعة، تضامنا مع أحداث باريس الأخيرة، مضيفا: "أنا مش لابس كده تضامنا مع اللي بيشتموا سيدنا النبي زي ما الخرفان فهموا، دي سياسة خرفان، لكن أنا لابس كده تضامنا مع المسلمين أصحاب باريس أصلا".


وبرر الجندي أن ما يحدث في فرنسا هو بسبب المسلمين العرب وتفكيرهم السطحي، مؤكدا أن هناك دولا مسلمة غير عربية وفي غاية الرقي والتحضر، موضحا: "الناس افتكرت الإسلام عربي وأنه ملك للجمل والنخلة، ولازم أقدم النبي وهو راكب جمل أو بيحلب الناقة، مش قادرين نقدم النبي للعالمين، ودي القضية اللي عايز أوصلها".


وتابع الجندي: "إحنا أعظم الأمم غصب عنهم، لكن بعض المنبطحين اللي مش قادر يتصور أنه دي حضرتنا إحنا اللي لولا المسلمين ماكنتش فرنسا اتحررت والمسلمين عملوا لفرنسا حضارتهم على أكتافهم، اللي في المعسكر المتخلف دول هما اللي فاكرين أن الإسلام عربي وبس، واللي في المعسكر المتخلف برضو هما اللي بيشتموا الأنبياء ويتطاولوا على المرسلين".