نشبت مشاداة هاتفية بين الإعلامي وائل الإبراشي، والمنتج السينمائي محمد السبكي، بسبب تريلر فيلم ريجاتا الذي هاجمه الإبراشي قائلا "اللي دخلوا فيلم حلاوة روح بتقولك فيه تقفيش وتفعيص، وزنا محارم، هتلاقي نفس الهجوم من العدوى على السوقية في فيلم "ريجاتا" برضو".

وأجاب السبكي، خلال مداخلة هاتفية في برنامج العاشرة مساء على فضائية دريم 2، مساء الاربعاء، تعليقا على كلام الإبراشي:" يا استاذ وائل معندناش الكلام اللي بتقول عليه ده، انت مش لاقي حاجة تتكلم فيها فجاي تتكلم في التريلر، دي نسخة جايبينها من على النت، والنسخة الرسمية للفيلم مافيهاش الكلام ده.

فيرد عليه الإبراشي غاضبا: "إحنا عندنا حاجات كتير نتكلم فيها، ولا يهمني إني اتكلم معاك حتى، أنت مش شايف الألفاظ السوقية في برومو الفيلم، فيقاطعه السبكي: أنت عايز تعمل موضوع وخلاصأ سيبوا السينما في حالها ، فيرد عليه الإبراشي: ما تسيب أنت السينما في حالها، فيغلق السبكي الخط، وبعد أن قال للإبراشي: يا عم كتر خيرك، ليعلق بعدها الإبراشي قائلا: عنجهية ع الفاضي.