التوقيت الأربعاء، 26 فبراير 2020
التوقيت 05:23 ص , بتوقيت القاهرة

باندا وفلافيلو تنتظر العشاق في عيد الحب ..بائع : مفيش زباين بسبب الإجازة

ارشيفية
ارشيفية

تعتبر الدباديب من الهدايا الكلاسيكية في عيد الحب، حيث يوجد دبدوب باندا وأخر لونه أبيض يحمل قلب أحمر، يتغنى بكلمات رومانسية، وأخر متنوع الألوان وغيرها من الأشكال المختلفة المتوفرة بأحجام تبدأ من الصغير بحجم كف اليد والمتوسط وأخر كبير، وبأسعار تحدد حسب الحجم والخامة المصنوع منها الدبدوب، الذى يتجدد شكله سنوياً، وهذا العام، ظهرت مجموعة من الدباديب المختلفة التي تعود لذكريات الطفولة مثل توم وجيرى وميكى ماوس وفلافيلو بجانب الباندا والدبدوب الأحمر الذى يعتبر من أشهر هدايا عيد الحب .

قال سيد مجاهد، صاحب إحدى محلات الهدايا بمحافظة الجيزة، :" أنا بقالى 25 سنة شغال في المهنة دى، وكل سنة بيبقى فيه جديد، والسنة دى الأسعار زى السنة اللى فاتت، وبتتراوح مابين 50 أو 60 لحد 150 جنيه وأكتر حسب حجم الدبدوب، واللى بترضى أذواق الزباين كلها  في عيد الحب".

 

يهتم عم سيد، بتزيين محله بالزهور الحمراء التي يبيعها أيضاَ بجانب الدباديب التي وضعها بترتيب مميز، بإحدى أركان محله الذى زينه بالورق الأحمر بمناسبة عيد الحب، وأشار إلى إن هذا العام مميز من حيث الأشكال الجديدة للدباديب، حيث قال :" السنة دى فيه أشكال جديدة من الدباديب، منها فلافيلو لونه روز وباندا لابس تى شيرت وطاقية، لكن الدباديب مش من الهدايا الأساسية في عيد الحب، لأن الزباين بتهتم أكتر بشراء الورد، لكن أكتر دبدوب بيتباع عندى هو الباندا وفلافيلو، لأن الزباين بتروح دايماً لكل حاجة جديدة ومختلفة".

 

وعن الإقبال على هدايا عيد الحب، قال مجاهد:" الزباين قليلة السنة دى، عشان عيد الحب جاى يوم جمعة، و ده إجازة رسمية على مستوى المدارس والجامعات والمصالح الحكومية كمان، وبالتالي مفيش زباين كتير زى كل سنة ".