التوقيت الجمعة، 29 مارس 2024
التوقيت 01:55 م , بتوقيت القاهرة

برج الدلو حظك اليوم الثلاثاء 6/3/2018 ..قطقوط الابراج النهاردة

برج الدلو
برج الدلو

تعرف على حظك اليوم لبرج الدلو مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم


حظك اليوم برج الدلو


حظك اليوم برج الدلو عاطفياً


( الكراش والإكس والبوي والجيرل فريند والجوز والزوجة والقرايب ):


 


مش كل الكلام الحلو يتصدق.. انتا أوعى من كدة بمراحل وأوعى برضة لكل اللي بيقرب ياخد فكرة وميظهرش تاني بكرة.. مش كدة ولا ايه احنا مبنتعلمش ولا ايه؟


حظك اليوم برج الدلو عملياً 


( الشغل والمذاكرة والتخطيط لبكرة ):


قطقوط الابراج النهاردة.. من حقك تفرفش وتفرح وتزقطقط وتفكك من النكد وهواة النكد والناس اللي اتخصصت بس ف التكشير ف وش كل واحد عرف بمعجزة انه يلاقي حاجة يضحك عليها ولو قلبه من جوة بيعيط ومحدش شايفه.


حظك اليوم برج الدلو صحياً 


( نفسيا وجسمانيا وكل مايخص طاسة المزاج ):


صحتك اليوم كويسة ونفسيتك كويسة ماشاء الله مش عاوزين نحسد.. يارب دايما ياخويا والله


حظك الغذائي


غذائيا النهاردة يحبذ الاتجاه لأي أكل خفيف يعجبك وبلاش حوار الجبنة السايحة دة ف كل حاجة عشان مترجعش تقول ياريت اللي جرى ف كرشي ماكان.. خد بالك


شعارك اليوم:


ف أول الكلام وعشان كل حاجة تبقى تمام.. عبّر الناس الأول بسلام..


لونك اليوم:


تركواز ..


إعرف توافق برج الدلو مع باقي الأبراج النهاردة


متوافق مع الابراج الكستبانية والدخانية والمونوكرومية والكتكوتية والبرمائية والكبريتية والجنية والترابية والهوائية والخيالية..


من مشاهير برج الدلو


Tiffani Thiessen برج الدلو



الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.


الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك النهاردة وبكرة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


اعلان حظك برج الدلو