التوقيت الخميس، 28 مارس 2024
التوقيت 04:26 م , بتوقيت القاهرة

برج الثور حظك اليوم الاثنين 26/2/2018 ..بالراحة على نفسك ياجدع مش كدة

برج الثور
برج الثور

تعرف على حظك اليوم ل برج الثور مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم سواء اليوم أو كل يوم


حظك اليوم برج الثور


حظك اليوم برج الثور عاطفياً


( الكراش والإكس والبوي والجيرل فريند والجوز والزوجة والقرايب ):


متشغلش نفسك بالدفاع عن نفسك بشكل هجومي طول الوقت على اللي حواليك عشان دة بيفتن ببساطة وبيعتبر أكبر دليل على انك مش واثق ف نفسك وقلقان..


حظك اليوم برج الثور عملياً: 


( الشغل والمذاكرة والتخطيط لبكرة ):


حاول تبقى هادي النهاردة وراسي وانتا بتقرر اي قرارات ف الجانب العملي من حياتك.. ثم بالراحة ياجدع على نفسك مش كدة.. صحتك أهم والله.


:حظك اليوم برج الثور صحيا


( نفسيا وجسمانيا وكل مايخص طاسة المزاج ):


صحيا النهاردة انتا زي القرد بدليل انك بترازي ف الناس من تحت لتحت ولا حدش واخد باله..


حظك الغذائي:


غذائيا النهاردة يفضل تخليك مع التونة وتفكك من الرز والمكرونة.. كمان ياريت تزود العصاير ف حياتك حبة وبلاش قهوة وشاي..


شعارك اليوم:


حكاية من أيام الجدود..عمر القطط ما تعلي علي الأسود..


لونك اليوم:


بينك فاتح..


إعرف توافق برج الثور مع باقي الأبراج النهاردة


متوافق مع الابراج البسكوتية والبربوشية والكتكوتية والبرمائية والهوائية والترابية والنارية..


من مشاهير برج الثور


Jessica Alba برج الثور



 


الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.


الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك النهاردة وبكرة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


اعلان حظك برج الثور