التوقيت السبت، 08 مايو 2021
التوقيت 06:51 ص , بتوقيت القاهرة

حبيبك لو عينه زايغة.. إزاي تحافظي عليه من الضياع

حبيبك لو عينه زايغة.. إزاي تحفظي عليه من الضياع
حبيبك لو عينه زايغة.. إزاي تحفظي عليه من الضياع

في 2017 السناجل سيطروا على الجو خالص بس لازم تسألي نفسك سؤال مهم جداً.. انتي شيفاه جوزك وابوكي و حبيبك وابنك ولا لأ؟..


علشان كدة قررت اني اعمل موضوع علشان تعرفي ازاي تحافظي عليه..


بس ياريت تسمعي الكلام ولو مسمعتيش يبقى خلصانة بشياكة خليكي سنجل ويبقى العيب فيكي انتي علشان معرفتيش تحافظي عليه.. تعالي نمشي واحدة واحدة :


 



 لازم تحسسي حبيبك ان مفيش منه اتنين:


بصي يا بنتي بالراحة كدة انتي مش هتقوليله انت حبيبي وتيجي تقوليله بص احمد حبيب منى بيعاملها ازاي يا ريتك كنت زيه.. على فكرة انتي كدة بتكرهي فيكي طب ما يروح يحب منى احسن او تبدله انتي تاخدي احمد وهو ياخد منى ونحل الموضوع.. بالراحة شوية يا ماما مش كدة اهتمي بيه وخليكي جنبه وحاولي تحسسيه ان مفيش غيرك ومهما شاف بنات انتي اللي في القلب وهو والله هيحبك وهيقدرك وهتلاقيه خاتم في صباعك بس انتي فوقي شوية واتصرفي صح.


 متقوليش ل حبيبك انت مش بتهتم بيا..انت مش بتحبني:



انتي متجيش تقوليله اهتم بيا وانتي مش بتهتمي بيه والله ماهيعمل كده لو عملتي ايه..  لازم يا ماما تهتمي بيه مش معنى كدة ان الله لبسك حلو هو الأهتمام.. الاهتمام مش لبس بس.. والله كويس انه مستحملك لحد دلوقتي يا ماما حرام عليكي بقى دا حبيبك على فكرة واهم حاجة انسي موضوع "الإهتمام مش بيطلب" لا على فكرة بيتطلب عادي جدا لو انتي مش مهتمية بيه.


 


حبيبك والغيرة القاتلة:



بصي علشان نبقى متفقين ماشي.. انا مأمن جداً بالغيرة بتاعة البنات والله بس معلش يعني "انت بتعمل ايه؟.. بتكلم مين؟.. مين البنت اللي عملتلك "لاف" على صورتك؟" انتي لو بتبيني ان انتي فعلا بتحبيه كان عرفك على صحابه.. فيها ايه لو تتعرفي على صحابه وتكلميهم.. والله انتي لو اثبتي فعلاً ان انتي بتحبي هو هيقولك كل حاجة من غير ما تسألي لا أي حاجة.. واللي بيضايق بقى لما تقوليله "ايه الشعراية اللي على كتفك دي؟" على فكرة ممكن يكون لقطها ف المترو ولا ف مكروباص الهوا عموماً مبيرحمش حد .


 


نيجي بقى لنقطة الكورة في الملعب:



الكورة في الملعب دايما معاكي.. بمعنى لما يقولك "مالك" "مفيش" "لا في" "لا مفيش" "لا في" "ايوة في" "طب في ايه" "مفيش" "ما انتي لسه قايله ان فيه" "اعرف لوحدك"..


مالك يعني انتي ليه كدة على فكرة الولد مش بيحب كدة انتي بتحبي وقبل ما تحبي اكيد شوفتي فيه جوزك و حبيبك واخوكي وابوكي وصاحبك وكل حاجة.. اتكلمي معاه بصراحة واحكسله ع اللي مضايقك.. ثم لو مش بتكلمي حبيبك امال هتشكي لمين.. طلعي ابوكي او اخوكي الي جواه والله وهتستريحي جداً والزعل هيروح في ثانية والراجل بطبعه حنين وبيحب حبيبته تعاتبه علشان في النهاية الكلام ينتهي بحضن وفي الأخر انتي هتكملي حياتك معاه .


طريقة اللبس والمكياج:



بصي انا معاكي ان طريقة اللبس والمكياج حرية شخصية ومفيش بنت تقدر تستغنى عنهم بس هقولك حاجة انتي يفرق معاكي كلام الناس على منظرك ولا يفرق معاكي حبيبك شايفك ازاي؟ انتي عارفه لو كلمتيه في الموضوع دة هيقولك نفس الكلام.. وهيقولك المهم انتي قدامي ايه مش قدام الناس ايه خالص.. هو بيحبك على طبيعتك يبقى خلاص الناس مش مهم بقى وحاولي ترضيه وحاولي تسألي حبيبي هو اللبس دا ينفع انزل بيه ولا لأ او يا حبيبي المكياج دا ينفع اخرج بيه ولا لأ وهو اكيد مش عايز شكلك يبقى وحش.


 


الاحترام مهم في العلاقات مابينك وبين حبيبك:



نصيحة الولد يعرف اكتر منك بكتير بمعنى مثلاً  " حبيبي انا نازلة اعمل حاجة وجاية " ماشي هيقولك "انتي رايحة فين" علشان بيقلق عليكي مش علشان يعاقبك يعني او يخونك وبلاش تقوليله "دة في ولد كلمني النهاردة".. نقف هنا شوية بقى هنا هو بيقولك متكلميش ولاد ليه تخيلي اكيد علشان الغيرة لأن على فكرة الولاد بتغير بطريقة غبية ومهما حاول يبين هو ايه من جواه صدقيني بيبقى بيموووت كدة من جواه.. احترمي الواد ومتخليش حد يكلمك ولو حد كلمك يبقى حد من صحابه علشان هو اكيد واثق في صحابه وعارفين انتي مين لكن مش اي حد وخلاص وبرده وممكن يكون بيغير من صحابه بس بيحاول يمسك نفسه.. ف بالراحه عليه واحترمي وقدريه في غيابه قبل وجوده وصدقيني هيحبك جداً جداً.


 حجات تهمك جداً انتي و حبيبك:



يا ريت تهتمي شوية بحبيبك بجد علشان هو ملوش غيرك وانتي ملكيش غيره وصدقيني لو عملتي بكلامي مش هتندمي وهتدعيلي..


كلمة أخيرة من اجمل ما في الكون الحب.. الحب بيدي طاقة لا إرادية ودافع لكل حاجة حلوة ف الحياة وبيحلي ايامكم وصدقيني مهما عمل او عملتي هتفضلوا تحبوا بعض علشان بإختصار ملكوش غير بعض وقلوبكوا نقت بعض خلاص.



 


كان معكم الأسطى:


إسلام ناصر..نصر الدين طالبية عريش


لو عجبك الموضوع دة وحابب تقرا زيه او احسن خش هنا..


قط بلدي


نصايح وإنتا رايح.."خلف الدهشوري"..حاجات لازم تعرفها ف أول يوم ليك ف الجامعة