التوقيت الأربعاء، 26 فبراير 2020
التوقيت 06:45 م , بتوقيت القاهرة

فاتورة التليفون سبب خناقة الحضري وحسام حسن في المانيا

الحضري و حسام حسن
الحضري و حسام حسن

دخل نجما الكرة المصرية حسام حسن وعصام الحضري في مشادة بسبب فاتورة التليفون ،والخلاف على المتسبب في ارتفاع قيمتها، قبل أن يتدخل المتواجدين لإنهاء الأزمة والفصل بينهما.

وتعود الواقعة التي سردها أحمد كشري نجم الأهلي والكرة المصرية السابق في حواره مع اليوم السابع في أحد معسكرات منتخبنا الوطني في بألمانيا قائلاً :"كانت جنايه فى ألمانيا واللاعيبه كلها وقفت تحوش وكان سببها فاتورة تليفون الأوضة.. حسام حسن بيتكلم كتير والحضرى مش بيتكلم وحسام قاله نقسمها بالنص، والحضرى رفض وألمانيا كلها اتفرجت علينا والحضرى فى الآخر دفع النصف زي ما حسام عايز"

وأضاف كشري أن حسام حسن والحضري يتمتعان بخفة ظل كبيرة وكانوا دائماً بمثابة الأخوة لكل زملائهم سواء في النادي الأهلي أو منتخبنا الوطني، كما سرد أحمد كشري واقعة كوميدية بطلها حسام حسن أيضاً قائلاً :" مرة كنا مع منتخب مصر وحسام وإبراهيم وحازم إمام بيلعبوا بلاستيشن، وقالولى تعالى العب معانا فلعبت مع أنى مش بعرف العب، وفى آخر ثانية جبت جول.. لقيتهم اتجننوا وقالولى أنت بتعرف تلعب وعندك بلاستيشن ومشيت ودخلت أوضتى جريو ورايا وكسرو باب الغرفة عشان يلعبونى ويكسبونى وياخدوا بتارهم وفعلا عملوا كدا، ومرة كنا فى الأتوبيس كان حد مشغل شريط كوكتيل سألت مين اللى عمله حسام قالى أنا، راح إبراهيم من ورايا قالى لأ أنا وفضلنا نسخنهم لحد متعصبو على بعض وأنا كنت بحب أسخنهم"