فيديو.. الننى قبل ملاقاة السعودية: الماتش هيبقى قوى.. ومش هنمشى من غير مكسب
الإثنين، 25 يونيو 2018 03:25 ص
قال لاعب المنتخب الوطنى لكرة القدم محمد الننى، فى تصريحات صحفية لـ"فيفا تى فى"، تعليقا على المباراة المرتقبة بين مصر والسعودية مش هنمشى من غير مكسب وأكيد الفوز هيدينا حاجة معنوية للاعيبة والناس اننا الحمد لله كسبنا ماتش وانا شايف انى اللاعيبة مقصرتش فى حاجة واحنا قافلين على نفسنا وبنتكلم مع بعض دايما والجهاز الفنى بيعمل اللى عليه وبيتعب معانا وبيشتغل واحنا كنا حافظين بس النتيجة فى الاخر مش بتاعتنا
كل واحد نفسه يكسب بس انت بتعمل اللى عل يك فى الملعب والتوفيق بتاع ربنا بنحمد ربنا .. ماتش النهاردة قوى لانه بين فرقتين عرب والسعةدية عندها الحافز اللى عندنا برضه انها تكسب وان شاء الله هنكسب الماتش .
ويلتقى منتخبى مصر والسعودية اليوم فى تمام الرابعة عصرا فى الجولة الثالثة والأخيرة للمنتخبين فى كأس العالم بعد تأهل منتخبى روسيا وأوروجواى عن المجموعة الأولى لدور الـ16 برصيد 6 نقاط لكل منهما.
