التوقيت الأربعاء، 25 نوفمبر 2020
التوقيت 12:53 م , بتوقيت القاهرة

أول اعتذار من صاحب السخرية من إذاعة القرآن الكريم: آسف ماكنتش أقصد

صاحب فيديو إذاعة القرآن الكريم وحديثه لتليفزيون اليوم السابع
صاحب فيديو إذاعة القرآن الكريم وحديثه لتليفزيون اليوم السابع
تحدث محمد أشرف صاحب الفيديو المتداول والذى ظهر فيه هو يقلد مذيعى إذاعة القرآن الكريم لـ"تليفزيون اليوم السابع"، ووجه رسالة إلى الدكتورة هاجر سعد الدين رئيس إذاعة القرآن الكريم الأسبق قائلًا: "أنا من محبيها ومن محبى الإذاعة وكل اللى حصل إنى قلدت البرومو بتاع البرامج والمقدمين ومذكرتش أى حد بأى سوء".

وأضاف فى تغطية أجرها تليفزيون اليوم السابع: "أنا مقدرش أذكر دكتورة هاجر بأى سوء لأنى فعلًا بحبها وبتابع برامجها من زمان وأنا عيل صغير، ومن صغير وأنا بقلدهم لوالدتي".

وتابع: "فيه ناس بتقلد لاعبين كورة وبتقلد عمرو أديب وغيرهم أنا قلدت مذيعى الإذاعة ولو هما مضايقين بعتذر عن إنه وصلهم بطريقة غلط لكن أنا فى الفيديو مغلطش فيهم ولا فى أى حد أنا بقلدهم ولو حد شاف الفيديو كامل هيعرف إنه عادي".

وقال: "أنا بتكلم عن طرق الكلام فى الشارع، وطرق الكلام الغريبة وافتكرت كذا مثال، وأنا كنت بهزر وقلدت أكتر من شخص مش من الإذاعة بس".

وتابع: "بعتذر لكل اللى فهم الموضوع غلط وأنا أسف ليهم وأنا من مستمعين الإذاعة".