التوقيت الإثنين، 10 أغسطس 2020
التوقيت 06:00 م , بتوقيت القاهرة

بأيدينا قرى من ذهب .. في قرية "غرب سهيل بأسوان ".. احنا والتماسيح في بيت واحد

جانب من الفيديو
جانب من الفيديو

لا تتعجب إذا رأيت فتاة تمسك بتمساح صغير في يدها كأنه قطة أو جرو صغير ، فإنها عادة في البيوت الأسوانية أن نجد تربية التماسيح لدى أهلها، فإنهم يعشقون تربيتها فهى مصدر سعادة ورزق في آن واحد حيث يأتي السياح من كل مكان حول العالم ليروا تلك التماسيح ويلتقطون الصور التذكارية معها.

 

كيفية اصطياد التماسيح

من داخل احدى قرى محافظة أسوان وبالتحديد قرية غرب سهيل كانت لعدسة اليوم السابع جولة ممتعه ومثيرة مع االأهالي لمعرفة كل شئ عن تربية التماسيح ؛ فكان اللقاء مع سناء النجار مربية تماسيح بالقرية فقالت"احنا بنربي التماسيح من زمان انا طلعت لاقيت في بيتنا التمساح، وكل واحد من اخواتي عنده التمساح بتاعه،  التماسيح بتتولد في شهر ٥ بيصطادها الصياد من بحيرة ناصر  بالسنارة والجراكن لو كانت كبيرة أما لو صغيرة فبيصطادها بالشبكة مع السمك، وفي اللى بيكونوا غاوين الصيد كهواية بيصطادوها بالبنادق وفي الغالب التمساح بيموت وبيخده يحنطوه".

 

السمك الأكل المفضل للتماسيح

 

وتابعت "مربية التماسيح":" تربية التماسيح مش صعبة بالعكس سهلة جدا لأن التمساح حيوان هاءي، على الرغم ان تصنيفه من الحيوانات المفترسة، لكن عشان احنا بنجيبه صغير  وبنربيه فبيتعود علينا وبيعرفنا ومش ممكن يأذينا،  كل البيوت في قريتنا بتربي التماسيح والاكل المفضل للتمساح هو السمك بنجيبه وبنقطعة جزل ونرميه له في البيت بتاعة بياكله، في الشتا التمساح مابياكلش كتير يعنى ممكن يوم ويوم لأنه بيعمل بيات شتوى وبيخزن الأكل في جسمه، لكن بيحب الأكل في الصيف وبياكل كتير جدا مرات سمك ومرات تانية لحمه لكن السمك أكثر"

 

إلتقاط الصور ملاذ السائحين   مع التماسيح

 

وتابعت "سناء":" بيت التمساح بيكون من السيراميك بنبنيه في وسط البيت ولازم نحط عليه شبكة حديد عشان ما يخرجش، وفي الصيف بحطله ميه كتير وبنغيرها كل يوم او يومين لكن في الشتا بندفيه وبنفرد عليه اى حاجة صوف، لازم نهتم بالتمساح عشان هو مصدر رزق لينا وهو حى بيجى السياح يتفرجوا عليه ويتصوروا معاه وبناحذ فلوس علي كده ولو مات بنفتح بطنه ونحنطه وبعدين نحشيها قش وبقفلها ونبيعوا كزينة في البيوت، في كل الاحوال التمساح مصدر رزقنا".

.

أسعار  التماسيح

 

واستطردت "السيدة النوبية" حديثها عن أسعار التماسيح قائلة: ان سعر التمساح الصغير ٢٠٠جنيه والمتوسط ٥٠٠جنيه والكبير ٧٠٠جنيه أما أكبر حجم فسعره ٣٠٠٠جنيه.

 

من نظرة ال عين يبدء العلاقة بين التمساح والمربي

 

هناك علاقات بين البشر تخضع لها القلوب والعقول، ولكن مابالنا بعلاقة المربي وحيوانه، تقول "سيدة التماسيح" :" علاقتي بالتمساح قوية جدا لأنه يفهمني من نظرة عنيني، تمساحتي اسمها نانسي من صغرها معايا انا اللي مربياها بحكى لها كل حاجة ولما بكون مضايقه مع جوزى شويه بقولها بحس انها بتفهمنى، حتي بناتي كل واحدة  فيهم لها تمساح مربياه، أنا بخاف علي تماسيحى زى عيالي بالضبط ".

 

تاجز : تربية التماسيح , نيل اسوان ، غرب سهيل ، نهر النيل ، بحيرة ناصر التماسيح بتتولد في شهر ٥ بيصطادها الصياد من بحيرة ناصر  بالسنارة والجراكن لو كانت كبيرة أما لو صغيرة فبيصطادها بالشبكة مع السمك، وفي اللى بيكونوا غاوين الصيد كهواية بيصطادوها بالبنادق وفي الغالب التمساح بيموت وبيخده يحنطوه".

 

السمك الأكل المفضل للتماسيح

 

وتابعت "مربية التماسيح":" تربية التماسيح مش صعبة بالعكس سهلة جدا لأن التمساح حيوان هاءي، على الرغم ان تصنيفه من الحيوانات المفترسة، لكن عشان احنا بنجيبه صغير  وبنربيه فبيتعود علينا وبيعرفنا ومش ممكن يأذينا،  كل البيوت في قريتنا بتربي التماسيح والاكل المفضل للتمساح هو السمك بنجيبه وبنقطعة جزل ونرميه له في البيت بتاعة بياكله، في الشتا التمساح مابياكلش كتير يعنى ممكن يوم ويوم لأنه بيعمل بيات شتوى وبيخزن الأكل في جسمه، لكن بيحب الأكل في الصيف وبياكل كتير جدا مرات سمك ومرات تانية لحمه لكن السمك أكثر"

 

إلتقاط الصور ملاذ السائحين   مع التماسيح

 

وتابعت "سناء":" بيت التمساح بيكون من السيراميك بنبنيه في وسط البيت ولازم نحط عليه شبكة حديد عشان ما يخرجش، وفي الصيف بحطله ميه كتير وبنغيرها كل يوم او يومين لكن في الشتا بندفيه وبنفرد عليه اى حاجة صوف، لازم نهتم بالتمساح عشان هو مصدر رزق لينا وهو حى بيجى السياح يتفرجوا عليه ويتصوروا معاه وبناحذ فلوس علي كده ولو مات بنفتح بطنه ونحنطه وبعدين نحشيها قش وبقفلها ونبيعوا كزينة في البيوت، في كل الاحوال التمساح مصدر رزقنا".

.

أسعار  التماسيح

 

واستطردت "السيدة النوبية" حديثها عن أسعار التماسيح قائلة: ان سعر التمساح الصغير ٢٠٠جنيه والمتوسط ٥٠٠جنيه والكبير ٧٠٠جنيه أما أكبر حجم فسعره ٣٠٠٠جنيه.

 

من نظرة ال عين يبدء العلاقة بين التمساح والمربي

 

هناك علاقات بين البشر تخضع لها القلوب والعقول، ولكن مابالنا بعلاقة المربي وحيوانه، تقول "سيدة التماسيح" :" علاقتي بالتمساح قوية جدا لأنه يفهمني من نظرة عنيني، تمساحتي اسمها نانسي من صغرها معايا انا اللي مربياها بحكى لها كل حاجة ولما بكون مضايقه مع جوزى شويه بقولها بحس انها بتفهمنى، حتي بناتي كل واحدة  فيهم لها تمساح مربياه، أنا بخاف علي تماسيحى زى عيالي بالضبط ".