قالت الكاتبة نهير عبد النبى الصحفية باليوم السابع والتى عملت على ملف "اللى استشهد مامتش" خلال لقائها ببرنامج الست هانم المذاع على قناة مصر الأولى، إن الفكرة جاءتها فى وحدة الفيديو بمناسبة أعياد الشرطة.

وأضافت: حاولنا نعمل حاجة غير تقليدية مش نجيب أهالى الشهداء ونقعد نكلمهم ونصور معاهم حبينا نعمل حاجة زى "اللى خلف مامتش.. اللى استشهد كمان مامتش"، إننا ننقى نماذج من أبناء الشهداء اللى قرروا يكملوا مسيرة أبائهم وواخدينهم نماذج ليهم يفخرون بها ويتشبهون بهم فى الصفات والشكل ونشوف ازاى كملوا وعاشوا حياتهم بعد استشهاد آبائهم.

وأكملت: أول قصة عملتها هى قصة علاء عامر عبد المقصود ابن الشهيد العميد عامر عبد المقصود أحد شهداء مذبحة كرداسة وده لم يوفق إنه يدخل كلية الشرطة لكنه دخل نادى الترسانة اللى والده كان الكابتن بتاعه ولعب كورة وارتدى القميص رقم 4 الذى كان يرتديه والده ودايما بيتكلم عن بطولات والده، والملعب دلوقتى اللى هو بيلعب عليه باسم والده الشهيد عامر عبد المقصود.