التوقيت الجمعة، 29 مارس 2024
التوقيت 02:06 م , بتوقيت القاهرة

"إكسترا نيوز".. تبرز تقرير دوت مصر حول شقيق الهارب عماد البحيرى

تقرير دوت مصر عن الهارب عماد البحيري
تقرير دوت مصر عن الهارب عماد البحيري

أبرز فضائية "إكسترا نيوز" تقرير "دوت مصر" حول شقيق الهارب عماد البحيري مذيع قنوات الإخوان، والذى تبرأ منه بسبب عدائه للدولة، وادعاءاته الكاذبة ضد مؤسساتها.

وقال ناصر أبو طلعت البحيري، شقيق الإرهابي الهارب خارج مصر عماد البحيري،: " إن عناصر الإخوان الهاربة خارج الوطن وشقيقي يعيشون في ميغة وملهمش دعوة باللى بيحصل في مصر، وكل دورهم إنهم بياخدو فلوس ويتقال لهم اشتموا في ده وفي ده، وأنا عليا الطلاق بالتلاتة ضد اللي بيعمله أخويا 380 درجة على حسب قوله".

وأضاف، أن شقيقه يحب الظهور على التلفزيون وكان من أعضاء الحزب الوطني، وقال:"أنا راجل فقير وجالي مرض فيرس سي والدولة عالجتنى ببلاش، ولسه واخد جرعة بـ 11 ألف جنيه مدفعتش منهم مليم، ومعايا كارت فيزا بناخد 500 جنيه في الشهر، وبناخد العيش ببلاش والشاى والسكر ببلاش، عايزين إيه تاني من البلد احنا في نعمة، وليه نقول عليها وحشه عشان كده انا ضده شكلا وموضوعا".

 

واستكمل حديثه: "أقوله راجع نفسك هما بيدوهم فلوس هناك وبيقوللهم اشتموا في اللى قاعدين هنا، هو عايش 100 % هناك، لكن لا يشغلوا اللي هنا، وهو عمره ما كان ليه في الجماعة هو بس عشان يطلع في التليفزيون والناس تشوفه، كلنا هنا ناس بسطاء واحنا اساسا ناصريين وبنحب عبد الناصر".

وقال: "عليا الطلاق انا مسحت القناة اللي بيطلع فيها من عندي على التليفزيون ومتبرى منه ديه بلدنا وارضنا وكلنا فدا البلد ديه".