دعا الرئيس عبد الفتاح السيسى القائمين على مشروع القومى للصوب الزراعية ، إلى الاهتمام بالتدريب وتأهيل العمال، قائلا: "أرجو من القائمين على الشركة الاهتمام بموضوع التدريب والتأهيل والمحافظة على المعايير المعمول بها حتى يستمر نفس الآداء الذى نتمناه"، إحنا اتكلمنا على مشروع الـ 35 ألف فدان، لكن مشروع المليون ونصف فدان شغالين فيه، وأرجو عرض آخر تطورات ما وصلنا إليه فى هذا المشروع".

وتابع الرئيس وقال الرئيس خلال افتتاح المشروع القومى للصوب الزراعية، الاستمرار فى استكمال مشروع الـ 100 ألف فدان صوب زراعية: "بنعمل كتير لينا ولشغلنا وحياتنا ومستقبلنا وبنعمل الحاجة زى ما انتو شوفته بشكل متكامل يعنى بنوفر كل المنظومة على بعض، وكان دايمًا يقولك فى السوبر ماركت الكبير ده "أورجانيك"، يعنى الناس تاكل أورجانيك وباقى المصريين ما يكلوش أورجانيك ولا إيه؟، اللى معاه فلوس ياكل أورجانيك والباقى مايكلوش؟، لا .. إن شاء الله كله هايبقى كده، بس إجروا معانا علشان اللى تحقق النهاردة أمر يسعد ويشرف المصريين".