التوقيت الأربعاء، 19 سبتمبر 2018
التوقيت 06:41 ص , بتوقيت القاهرة

أخر الاخبار

فيديو.. دالى حسن: ركبنى المرجيحة سر شهرتى.. وانتظرونى انا وبيومى فؤاد فى كليب جديد

قالت الفنانة دالى حسن لكاميرا دوت مصر, الفترة اللى فاتت اتعرض عليا ادوار كتير ومنها إنى أشارك فى دراما سواء أغانى أو مسلسلات أو أفلام, وبدور على حاجة أقدمها للجمهور بحيث إنه ميزعلش منى بمعنى إنى أعمل أدوار هادفة ودلوقتى بقيت بختار الأعمال اللى بقدمها لجمهورى" .

 

وتابعت, "كليب ركبنى المرجيحة سبب شهرتى فى مصر والوطن العربى كله ومش هنكر ده.. بس الجمهور زعل منى لأن الصوت مكنش قد كده ومن بعد ركبنى المرجيحة بحاول اختار العمل الصح اللى ممكن أقدمه للجمهور, واتعلمت الدرس من كليب ركبنى المرجيحة" .

 

واستكملت, "شاركت فى مسلسل سعيد شبرا وطالعه بدور بنت بتعيش فى منطقة شعبية اسمها نانى ومعايا فى المسلسل الفنانين محمد نجاتى وبدرية طلبة وكتيرن وحاليا شاركت فى برنامج كوميدى هيتعرض فى رمضان اسمه "اتبحبح مع بحبح", وهو برنامج كوميدى زى برنامج أبلة فاهيتا وبيتكلم عن المشاكل اللى بتحصل فى البلد, وقدمت فيه حلقتين كنا بنتكلم فيها عن المرجيحة بطريقة كوميدية وغنيت أغنية المرجيحة على كلمة بحبح".

 

وأردفت, "بشارك فى فيلم اسمه خسسنى شكرا ليا فيه بعض المشاهد وأغنية بقدمها فى الفيلم للأطفال اسمها امبوووه بمشاركة الفنان بيومى فؤاد", وعن رأى بيومى فؤاد فى صوتها, "كان مستغرب من صوتى جدا فى كليب ركبنى المرجيحة وفى أغنية هيصور معايا فيها هنغنى فيها مع بعض".

 

 

 

لمزيد من الفيديوهات الإخبارية والرياضية والسياسية والترفيهية زورا قناة فيديو 7 على الرابط التالى..

 

https://www.youtube.com/channel/UCbnJMCY2WSvvGdqWrOjo8oQ?disable_polymer=true