التوقيت الأحد، 23 سبتمبر 2018
التوقيت 05:43 م , بتوقيت القاهرة

أخر الاخبار

ترزى: الملابس الصينى والجاهزة قضوا على المهنة

كتبت: نورا طارق

 تتعرض مهنة الترزى، والخياط، إلى الانقراض بعد اعتماد معظم الناس على شراء الملابس الجاهزة المواكبة لأحدث صيحات الموضة، بدلاً من تفصيل الملابس، فهى مكلفة وتستغرق وقتًا وجهدًا، لذلك اختفت محلات الخياطة، ومن النادر رؤية محل ترزى فى أحياء المدن.

التقت كاميرا «فيديو 7» قناة اليوم السابع المصورة، بعم صلاح، ترزى لايزال محتفظًا بمهنته رغم انقراضها، فقال «أنا بقالى 50 سنة بشتغل ترزى، أتعلمتها من جدودى لكن الوقت والغلاء جعلونى أتساءل هو إحنا عايشين دلوقتى ؟ »

وتابع «مفيش زبائن دلوقتى  كله بيشترى الجاهز بس اللى بيجى بيكون عامل أو طالب محتاج يظبط بنطلون مابقاش حد يفصل لأنه كله بقى جاهز والشغل الصينى المنتشر متهاود عن الصناعة المصرية».

برغم من ندرة الزبائن عند عم صلاح إلا إنه لم يفكر يوماً فى استبدال مهنته بمهنة أخرى قائلاً «اتربيت عليها ووارثها من جدودى ومن خرج من داره يتقل مقداره».