التوقيت الثلاثاء، 25 سبتمبر 2018
التوقيت 11:41 م , بتوقيت القاهرة

أخر الاخبار

فيديو.. سر خلطة الكشرى المدخن الجديد.. هيقضى على المصرى

الشيف أحمد فايز، يكشف لعدسة "دوت مصر" سر خلطة الكشرى المدخن قائلا، "لو اطلعنا على موضوع الأكل والطبخ من زمان كان موضوع تبادل الثقافات اللى موجود كان أبرزها الأكل وكان فى تداول ثقافات، زمان كنا بنطبخ بالفخار والقدر أيام الجدود وكان الأكل ليه مذاق وطعم رائع".

وتابع، "كانوا بيجيبوا ورق الشجر اللى بنحطه داخل الفرن من الحجر ونطبخ بيه وعلى الوضع ده بيطلع الأكل مدخن وله طعم ومذاق، احنا قررنا نجمع بين الماضى والحاضر وندخل النكهة المدخنة فى الأكل الحديث وكانت من هنا فكرة اننا نعمل كشرى مدخن ونسوية على أوراق الشجر" .

وأردف، "الكشرى المدخن مش هتعرفه إلا لما تتذوقه، والشعب دلوقتى بيدور على الحاجة اللى تفيده واللى ليها مذاق جيد بعيدا عن استخدامات الغاز، وبيبحثوا أيضا عن النكهة القديمة اللى بتفكره بأكل الجدة".

واستكمل "الشيف"، "الكشرى المدخن لاقى إقبال كبير فى الشارع المصرى والناس سعيدة بموضوع التدخين اللى فى الكشرى المصرى وتدخين الصلصة والناس مبسوطة بالطعم" .

وأكد، "سر خلطة أى طبق فى العالم مرتبط بالطباخ ونفسه فى الأكل، فلو الطباخ عمل طبق وهو حابه هيطلع طعمه لذيذ جدا حتى لو كان بيعمل طبق بسيط مكون من بطاطا مع شوية ملح وفلفل، وفكرة الكشرى المدخن قائمة على تدخين الطعام أثناء الطهى من خلال فرن حجر وأوراق من الشجر".