التوقيت السبت، 22 سبتمبر 2018
التوقيت 07:08 ص , بتوقيت القاهرة

أخر الاخبار

فيديو.. مراحل تصنيع الزجاج.. صانع: بننفخ فى فيه من روحنا عشان نطلع تحفة

 

قال، مصطفى أشرف، صانع زجاج يدوى "بيركس"، إن هذه المهنة تواررثها من أجداده منذ أكتر من 50 عام، مشيرا إلى أن فن تشكيل جمرة الزجاج وتحويلها إلى تحفة فنية ليست بالعملية البسيطة، فنحن نعمل تحت درجة حرارة بتوصل لـ 1000 ليس هذا فحسب بل إننا ننفخ من أرواحنا فى الزجاج كى تحفة فنية مصنوعة بشكل فنى بديع.

 

وتابع، أن مراحل تصنيع الزجاج البيركس" اليدوى تبدأ بتشكيل الزجاج تحت درجة حرارة عالية، منوها إلى أن الزجاج البيركس يتم استيراده من الصين ثم تبدأ مراحل تصنيعه داخل مصر .

 

وأردف، فى مشاكل بتواجهنا فى مراحل التصنيع وهى المادة الخام التى نستوردها من الخارج، ونتمنى إنشاء مصنع داخل مصر لتصنيع الزجاج البيركس خاصة أنه ليس هناك مصانع أخرى فى منطقة الشرق الأوسط وهذه فرصة كبيرة لدعم الصناعة فى مصر .

 

وأوضح، أن الدولة لديها كافة الإمكانيات التى تؤهلنا لهذا خاصة أن الرمال التى تدخل فى تصنيع هذا النوع من الزجاج موجوده فى مصر وتصنيعه أفضل من استيراده لتعظيم  الفائدة، والبيركس ليس موجود فى صناعة الزجاج اليدوى فقط بل فى صناعات أخرى كثيرة.

 

واستكمل، "أن الزجاج صناعة قومية والمفروض اننا نستغل ثرواتنا الاستغلال الامثل،وعندنا مشاكل تانية اننا مش عندنا معارض نعرض فيها منتجاتنا وبالتالى بنلجأ إلى المصدر، عيزين نوصل المنتج مباشرة للخارج وننهض بالصناعات اليدوية الصغيرة لانها هى اللى هتقوم الاقتصاد القومى".

 

واستطرد، "مراحل التصنيع بتبدأ بأننا بيجلنا الزجاج يا إما فارغ "نفخ" أو مصمت "صب"، بعدها بنبدأ نعمل السلبات ونقطعها بالمقاسات اللى احنا عيزنها علشان نبدأ نعمل بيها أشكال سواء كنا بنعمل كباية أو كأس أو فواحة، وبعدها بنجزأ الماسورة بره ونقطعها على النار ونبدأ بعدها عملية التشكيل"

وأكد، "التشكيل 3 مراحل رسم زجاجى أو حفر زجاجى والمرحلة الأخيرة الزخرفة أو الألوان، وبنستخدم فى المشعل بتاعنا الغاز والأكسجين والهواء لأن البيركس بينصهر تحت درجة حرارة 600 درجة مئوية".

 

وأضاف، أيمن الزغبى، صانع زجاج فنى، "احنا بنشكل الزجاج الأشكال اللى احنا عيزينها وطقم الشاى ليه زجاج معين والبرفان والكريسمس ليه زجاج معين، طقم الشاى ليه مرحلتين فى التصنيع وهى رسم الزجاج على الزجاج أو الرسم على الزجاج بالحفر.. عندنا مشكلة فى التسويق ومفيش مجال اننا نسوق أو نطلع شغلنا بره والمصدرين هما اللى محتركين الشغلانة".

 

وتابع، "فى ناس شغالة فى اوروبا ودول كتير زى تركيا وايطاليا والهند فى الصنعة دية والفرق بينا وبينهم انى الصنعة لسه جديدة عليهم واحنا سبقينهم بـ 20 سنة خبرة واحنا بنطور كمان فى الشغلانة دية فى الوقت اللى هما بيعملوا فيه الشغل البدائى.. احنا محتاجين معارض بره نسوق فيها منتجاتنا ومعارض داخلية كمان لان دية خطة الدولة لتنمية المشروعات الصغيرة والنهوض بالاقتصاد القومى للبلاد لانها هتدخل عملة صعبة".

 

 

لمزيد من الفيديوهات الإخبارية والرياضية والسياسية والترفيهية زورا قناة فيديو 7 على الرابط التالى..

 

https://www.youtube.com/channel/UCbnJMCY2WSvvGdqWrOjo8oQ?disable_polymer=true