التوقيت الجمعة، 21 سبتمبر 2018
التوقيت 06:51 ص , بتوقيت القاهرة

أخر الاخبار

فيديو.. الآيس كريم صاج فكرة تايلاندية ومشروع مربح

"محمود ومصطفى" شباب قرر مينتظرش الشغل الحكومى أو الخاص ويطلعوا بأفكار جديدة يبدأو بها مشروعهم الخاص، وهو "الآيس كريم رول"، الفكرة التايلاندية لم تكن من وحيهم ولكنهم قرروا أن يعملوا على تطويرها باللمسات المصرية العبقرية.. كانت نصائحهم للشباب هى "لا تنتظر شغل الحكومة.. متقعدش على القهوة وفكر هتعمل ايه.. مش شرط تشتغل على مكتب عشان معاك شهادة.. الشهادة ممكن تستفيد منها فى مشروعك.. حب الخير للجميع" .  

 

وقال "مصطفى" لـ"فيديو 7"، قناة اليوم السابع المصورة،  إن فكرة مشروع الآيس كريم رول بدأت فى مصر منذ 3 سنوات وأصلها تايلاندى، وقررنا نقل التجربة إلى مصر وأخذنا 7 أشهر حتى ننفذ الفكرة على أرض الواقع، الآيس كريم رول بيتعمل بالفاكهة فقط .

 

وتابع، "احنا طورنا الفكرة بعد ما جت مصر ودخلنا أنواع جديدة، الفكرة حلوة ومناسبة للشباب، وبدأنا بمبلغ صغير فى البداية والفكرة مش صعبة على أى حد إنه ينفذها، المحافظة هنا بتدعمنا ومش بنتعرض لمضايقات وفى ناس بتساعدنا عشان نطور شغلنا ونكون الأحسن والمشروع تكلفته مش عالية".

 

وأردف، "السوق مش عايز الشغل الحكومى لازم تبدأ بمشروعك الخاص بيك مش شرط الآيس كريم، وأهم حاجة الزبون بيحبها النظافة والمعاملة الحلوة والشكل الشيك "يونيفورم موحد"، ومحافظ على نظافة المنتج اللى بتقدمه كده انت هتبقى متخصص ومختلف عن اللى حواليك".

 

واستكمل، "الأساس بتاع الآيس كريم رول هو الحليب الطبيعى اللى بنضيفله فانيليا ومكونات الآيس كريم .. بننزل بيها على الجريل اللى درجة الحرارة عليه من 25 إلى 35 تحت الصفر، وبعدها الزبون بيختار ما بين الشيكولاتة أو الفاكهة، والفاكهة بنشتغل بيها على حسب النوع اللى موجود فى الموسم .. وبالنسبة للمنتج فا انت شايفه وهو بيخرج قدامك والفاكهة بتكون طازة وده المميز فى الموضوع.. احنا كمان طورنا فى الآيس كريم رول ودخلنا عليه أنواع جديدة منها الكنافة بالموز" .

 

 

وأكد، "متقولش التعليم اللى اتعلمناه هيروح فين لا استخدمه فى الشغل بتاعك واستغله فى التطوير بالعلم اللى خدته.. محدش يستنى شغل من حد ومحدش يستنى وظيفة من حد".

 

 

لمزيد من الفيديوهات الإخبارية والرياضية والسياسية والترفيهية زورا قناة فيديو 7 على الرابط التالى..

 

https://www.youtube.com/channel/UCbnJMCY2WSvvGdqWrOjo8oQ?disable_polymer=true