التوقيت الثلاثاء، 25 سبتمبر 2018
التوقيت 09:30 ص , بتوقيت القاهرة

أخر الاخبار

فيديو.. بائع كنافة: الآلى بيتحطلها مادة كيميائية عشان متسرسبش.. والطبيعى يكسب

يقف عم أمير أمام محله محتميًا تحت ظل خيمته من حرارة الشمس فى عز الظهر، وأمامه صينية كبيرة موضوعه على مبنى طوبى، وضعت فوق فرن، ينشئها كل عام بنفس المكان لصناعة الكنافة البلدى لأهالي المنطقة .

 

ويقول "عم أمير" لكاميرا "فيديو 7" قناة اليوم السابع المصورة، إنه توارث هذه المهنة من جدوده فى منطقة مصر القديمة منذ السبعينيات، مستكملا "بقالى 40 سنة فيها.. والمهنة اتطورت بالنسبة للكنافة البلدى دلوقتى دخلها الصينية بالموتور".

 

وتابع، "الفرق بين الكنافة البلدى والآلى، إن الآلى بيضاف عليها مادة كيميائية وبتوع التموين عارفين بيها وبيمسكوها عند بياعين كتير، وبيتم اضافة المادة دية عشان العجينة وهى نازلة على الصاج الآلى متسرسبش وتقطع ولولا المادة ديه هتنزل العجينة تقطع على الصاج".

 

واستكمل، "أحسن كنافة تاكلها هى البلدى لانى مش بيضاف ليها حاجة وصحية جدا، والكنافة البلدى ليها زبون والآلى ليها زبونها برضه بس الآلى بتستخدم أكتر فى الحلويات، والبلدى فى ناس كتير أوى بتفضلها لان ليها طعم خاص ولما بتبات بيكون طعمها أحسن كمان، ومنصحش حد ياخدها من على الفرن وياكلها لازم يهويها ويسيبها تنشف عشان متعجنش".

 

وأردف، "الكنافة البلدى لو حطيتها على النار مع حتة سمنة وشوية عسل هتاكل أحسن طبق حلو فى رمضان، والبلدى طبعا يفرق عن الآلى هتجيب اللحمة البلدى زى اللحمة المستوردة ديه ليها وضع وديه ليها وضع تانى".

 

 

لمزيد من الفيديوهات الإخبارية والرياضية والسياسية والترفيهية زورا قناة فيديو 7 على الرابط التالى..

 

https://www.youtube.com/channel/UCbnJMCY2WSvvGdqWrOjo8oQ?disable_polymer=true