التوقيت الأربعاء، 19 سبتمبر 2018
التوقيت 07:21 ص , بتوقيت القاهرة

أخر الاخبار

بالفيديو.."الحاجة بسيمة" عن لقائها بالرئيس السيسى: "اللى يشوفه يشبع ورئيسنا يسوى الدنيا"

لا تزال "الحاجة بسيمة" ابنة قرية "طحانوب" التابعة لمحافظة القليوبية، لا تصدق نفسها حتى الآن بأنها تناولت الإفطار مع الرئيس عبدالفتاح السيسى شخصياً، ولدى "بسيمة حجازى"، 65 عامًا، أسرة مكونة من 5 أبناء، بينهم 3 أطفال معاقين.

وتحكى "الحاجة بسيمة" لكاميرا "فيديو 7" قناة اليوم السابع المصورة كواليس ما دار بينها وبين الرئيس السيسى قائلة، "قعدت جنب الرئيس السيسى 3 ساعات وكانت الناس رايحة جاية تطلب منه الحج، وانا طلبت كشك وشقة صغيرة تشيلنى أنا وأولادى الخمسة لأنى لدى اثنان من الأبناء المعاقين.. ونفسى أربيهم.. رد عليا وقالى حاضر عينى الاتنين.. والناس كلها كانت عايزة تبوسه وانا قولتله انا عايزه اتصور معاك ولاقيته راجل يسوى الدنيا بحالها".

وتابعت، "كان قاعد جنبى زى العسل، جبلنا فطار وحاجات الدنيا بس احنا مكلناش لأن اللى يشوف الرئيس السيسى يشبع.. راجل قمة فى الاحترام والأدب والأخلاق والذوق مع الكل ستات ورجالة".

وأضافت، "الرئيس السيسى وعدنى بالكشك ووفى بوعده.. وانا قاعدة فيه دلوقتى وبيكملوا باقى الكشك من حيث التقفيل بس.. وتانى يوم المحافظ رن عليا وقالى مكان ما انتى عايزة الكشك هعملهولك وبعدها الناس اشتغلت على طول".

واستطردت، "فضلت قاعدة جنب الرئيس 3 ساعات ومكنتش أعرف أنه الرئيس السيسى وكان قاعد عمال يقول مرحب مرحب بيكم.. واشتكتله من السيد راشد بتاع قرية طحانوب لأنه مخالفنى فى كل حاجة، وفطرت انا والسيسى جنب بعض وانا مكلتش شربت ميه بس لأن كلامه لوحده يشبعك.. وبشكر الرئيس على كل اللى بيعمله، انا اتصورت مع الرئيس والناس كلها اتصورت معاه، السيسى يسوى الدنيا بحالها وياريت أشوفه تانى والله العظيم يبقى أمى لسة ولدانى جديد".