التوقيت السبت، 22 سبتمبر 2018
التوقيت 04:52 ص , بتوقيت القاهرة

أخر الاخبار

بالفيديو.. "من قلب الصالحية" تعرف على الفوائد السحرية للأحجار الكريمة للجنسين

الأحجار الكريمة عمرها هو عمر الأرض فهى غنية بخباياها العجيبة وقدرتها الشفائية الدفينة التى لا يزال الإنسان منذ العصور الأولى يعمل جاهدا على اكتشاف سر أعماقها، ويعتبر علم المعالجة بالأحجار الكريمة أحد علاجات الطب البديل فالأحجار الكريمة إما أحجار كريمة نفيسة أو نصف نفيسة.

ومع سطوع نجم علم الطب البديل تربعت الأحجار الكريمة على عرشه نظرا لاستخداماتها الواسعة، فهى مفيدة فى علاج الأمراض والاضطرابات الجسدية والنفسية والعاطفية فى آن واحد.. وهناك البعض يتجه إلى الاستعمالات الخاطئة والمعتقدات غير الصحيحة حول الأحجار الكريمة والتى تدخل فى الحقيقة فى إطار شعوذة ولا تدخل فى مبدأ العلاج بالأحجار الكريمة أو الطب البديل .

وتجولت عدسة "فيديو 7" داخل شارع الصالحية وهو أحد أشهر الشوارع ويعتبر الوحيد فى مصر لبيع الأحجار الكريمة لمعرفة خفايا هذا العالم ولرصد جمال تلك الأحجار التى تسرق العين .

وقال أحد تجار الأحجار الكريمة بشارع الصالحية ويدعى "أحمد شاكر"، "أن الأحجار الكريمة تضم أنواعا كثيرة كل نوع له اسم خاص به وتنشق إلى مرحلتين الجزء الأول منها طبيعى والجزء الآخر تقليدى أو غير كريم والأنواع كثيرة منعا العقيق وهو نوعين مدغشر وهو المتداول ويمانى وهو نفيس وغالى وننصح الناس أنهم يشترون الأحجار الكريمة من الأماكن المخصصة لبيعها ومن مصدر موثوق فيه لأن الحجر الكريم يبقا بالجرام وبالقيراط".

وأوضح: "أن سر إقبال الفتيات على شراء الأحجار الكريمة نظرا لجماله فالفتاة تحب تنسيق الألوان والبنات لديهم حتة فنية خاصة خريجى الفنون الجميلة.. وهناك فتيات يتخذونه كمشروع مربح لهم والأجانب بتحب الشغل بتاعنا اللى إحنا بنعمله بأيدينا.. والبنات عموما بتحب الجديد والإكسسوارات وبدأوا يبعدون عن الإكسسورات اللى فيها معادن ويبصوا أنهم يشتروا حاجة ليها قيمة".

وتابع: "فى مراكز متخصصة بتعالج بالأحجار الكريمة وكل واحد على حسب برجه لأن كل برج ليه لون حجر معين واسم معين وعامة الأحجار الكريمة ليها ميزات كتير وصفات كتير وفى مراكز معروفة بكدة.. ولما تيجى تعرف برج واحد وتجيبله الحجر باللون اللى يتناسب معاه الزبون بيرد ويقول فعلا أنا بحب اللون ده.. فى أحجار بتدى طاقة إيجابية للجسم".  

واستكمل: "البنات بتحب العقيق بألوانه والشباب بتحب الأحجار اللى لونها مط ومكتومة ومبتلمعش اللافا والتيجر ودول عليهم إقبال كتير من الشباب".

ونوه: "الأحجار الكريمة بتعالج فعلا بس ليها ناس متخصصة فى ده.. مثلا العقيق اليمانى الخام بيفك الضيق وفى أحجار تانية بتعالج ألم الظهر والرقبة وفيه أحجار بتدى للإنسان روح من السعادة.. وكل واحد ليه الحجر بتاعه والياقوت بيبعد الشيطان والمرجان.. فى أساتذة فى الجامعة بتيجى تأخد مننا أحجار كريمة عشان يدرسوا بيها للطلبة بتاعتهم فى الجامعة.. الأحجار الكريمة بتعالج حاجات كتير وفى حجر بيجلب الحظ وفى حجر بيطرد الشيطان وفى حجر بيفك الحاجات الوحشة اللى معمولة للناس".