التوقيت الخميس، 20 سبتمبر 2018
التوقيت 12:55 ص , بتوقيت القاهرة

أخر الاخبار

بالفيديو.. "محمد البحر و تاج الدين" مقامات شيوخ مجهولين..والأهالى:"سرهم باتع"

فى شارع سيدى محمد البحر، وبجانب المنازل القديمة يوجد مسجد صغير بداخله مقام لشيخ يدعى "سيدى محمد البحر" ومقام أخر يدعى مقام " تاج الدين"  لكن لا أحد يعرف عنهم شىء سوى أنهم من أولياء الله الصالحين، و يقام لسيدى محمد البحر مولد كل  شهر شعبان يشبه موالد أولياء الله الصالحين حيث تنصب  ألعاب الأطفال وتوزع النذور ويطرب المداحين طوال الليل.

 

وفى السنوات الأخيرة ومع انتشار الوعى الثقافى والدينى أصبح سكان الشارع أكثر وعيا  وأصبح المولد لا يقام إلا نادراً وهذا ما أكده الأهالى حيث قال أحد السكان :"كان زمان كل سنة بيتعمل مولد كبير وبيكون فيه مراجيح وناس توزع لحمة،  لكن دلوقتى قليل لما بيتعمل عشان فيه ناس اشتكت من الزحمة ".

 

وعن بركاته التى يعتقد فيها أهل المنطقة، ويقول أحد سكان المنطقة:"كان راجل سره باتع وصاحبه المدفون جنبه سيدى تاج الدين سره باتع برضه وكنا نسمع انهم الاثنين أصحاب وتاج الدين كان عايش معاه ومات واتدفن جنبه  ".

 

وأضاف:"كان زمان فيه ناس بتطلب منه حاجة وربنا بيوفقها، لكن دلوقتى الوعى زاد عند الناس و بطلوا يعملوا الموالد غير كل فترة وأصبحت تتعمل يوم واحد بس ".