التوقيت السبت، 22 سبتمبر 2018
التوقيت 11:13 ص , بتوقيت القاهرة

أخر الاخبار

بالفيديو.. بالخيط والإبرة.. عم بدوى وشقيقه يصنعان أجمل "شنط للستات"

بالخيط والإبرة يصمم عم بدوى توفيق وشقيقه الحاج صلاح أجمل الحقائب الحريمى بأحد محلات وسط البلد، حيث يعملان طوال اليوم على إنتاج الحقائب الحريمى مختلفة الألوان والأشكال، لينافسان بها الحقائب المستوردة بحقائب هاند ميد صناعة مصرية مائة بالمائة.

 

يتحدث الحاج بدوى عن قصته مع صناعة الحقائب اليدوية، قائلاً: "أنا ورثت الشغلانة دى عن جدى وأبويا، وكل إنتاجنا يدوى ومصنوع من جلد وزباينّا مصريين وعرب وأجانب وفيه ناس بتعمل معارض بتشترى مننا إنتاجنا عشان تعرضه بره".

 

وعن فكرة الموديلات يقول الحاج بدوى: "أغلب الموديلات اللى أنا بعملها بتكون من تصميمى وأحيانًا بدور على النت على موديلات جديدة عشان أعمل زيها أو أبتكر حاجة مختلفة، وساعات فيه ناس بتصور موديلاتنا عشان تقلدها وتبتكر غيرها وهكذا وكله فى صالح صناعة الشنط بمصر".