التوقيت الإثنين، 24 سبتمبر 2018
التوقيت 09:45 م , بتوقيت القاهرة

أخر الاخبار

بالفيديو.. فايزة فقدت رضيعتها بقصر العينى و"عايشة على أمل تشوفها"

فايزة أحمد "أم بهاء" سيدة حزينة تتحدث بنبرة يكسوها الشجن، حزنها خلفه فقدان ابنتها الرضيعة بمستشفى قصر العينى وشجنها تسبب فيه عدم معرفتها بمصير الفتاة التى قالت عنها "معرفش عايشة واللا ميتة وبجرى وراء أمل يوصلنى لطفلتى".

تحكى فايزة أحمد قصتها من البداية، قائلة: "كنت رايحة أعمل أشعة ثلاثية الأبعاد فى قصر العينى وكنت حامل فى الشهر التامن وكنت عاوزة أطمن على الجنين فوجئت بالدكتورة داخلية عليا بتقول لازم تعملى ولادة قيصرية وإلا هينفجر الرحم، وما عملتش العملية إلا بعد 9 أيام من حجزى بالمستشفى ولما ولدت قالولى إنت جيبتى بنت زى القمر وحطوها فى الحضانة".

تضيف فايزة: "بعد كام يوم راح جوزى علشان يطمن على البنت فى الحضانة قالوا له بنتك تعيش انت وادولوا بصمة رجليها وورونى تاريخ وفاتها فى الدفتر ووقعت على ورقة مكتوب فيها أنثى حية ولما توجهت تانى مرة الممرضة قالتلك بنتك مش موجودة وقالتلى إنت بنتك ولدت ميتة".

تشكى فايزة من سرقة ابنتها ومن سرقة أعضائها وتستغيث بالمسؤولين حتى تعود إليها ابنتها.