التوقيت الثلاثاء، 25 سبتمبر 2018
التوقيت 04:36 م , بتوقيت القاهرة

أخر الاخبار

بالفيديو..صاحب محل بوكالة البلح :"الغلابة مش بيشتروا وزباينا بقوا الهاى كلاس"

"وكالة البلح" عندما نسمع هذه الكلمة يأتى فى أذهاننا الملابس المستعملة القديمة ولكن عندما تحدثت كاميرا "فيديو 7" قناة اليوم السابع المصورة، مع بعض البائعين، اتضح أن وكالة البلح لم تعد "مول الغلابة والفقراء" بل مولاً لجميع المستويات والجنسيات، وأغلب روادها من طبقة "الهاى كلاس".

"زمان كانت الست البسيطة تجيب أولادها وتيجى تشترى ملابس العيد بفرحة لأن هنا فى الوكالة الأسعار مناسبة جدا وفيها ماركات عالمية".. بتلك الكلمات بدأ أحمد عبد الله صاحب محل بالة بوكالة البلح حديثه.

وأضاف "الوكالة دلوقتى اختلفت كتير عن زمان بعد ارتفاع سعر الدولار، الناس الغلابة ما بقتش تشترى زى زمان فرحة العيد والزحمة ما بقتش موجودة تماما، دلوقتى الزبائن الهاى كلاس هم إللى بيجوا يتشروا الماركات من عندنا بنص الثمن".

وتابع قائلا: "الفستان دلوقتى وصل إلى 120 جنيهاً، وكان 80 جنيهاً، والطقم الرجالى متكون من قميص وبنطلون بيكون بـ170 جنيهاً، وكان بـ100 جنيهاً فقط وطقم الأطفال القطعة بـ25 وما بتتبعش".

واختتم حديثه قائلا : " الأسواق بتعانى من حالة ركود وارتفاع الأسعار بسبب ارتفاع الدولار فى مصر وذلك منذ 4 سنوات".