التوقيت الأحد، 23 سبتمبر 2018
التوقيت 11:31 م , بتوقيت القاهرة

أخر الاخبار

بالفيديو.. "وكله هايتكتب فى القايمة".. نوع شبكة جديد عايزاه البنات

نظرا لارتفاع الذهب فى الآونة الأخيرة، بشكل جنونى صادم، اختلفت الآراء حول موضوع "شبكة العروس" هل هى من الكماليات أم هى من الأساسيات التى لا يجب على الفتاة أن تتنازل عنها؛ لذلك جابت كاميرا "فيديو 7" قناة اليوم السابع المصورة شوارع العاصمة لتتحدث مع الفتيات.. ما هى الشبكة التى تريد فى ظل ارتفاع سعر جرام الذهب إلى أكثر من 400 جنيه؟!

اجمعت الآراء على أن الشبكة من الكماليات، الذى تظهر حب الرجل للفتاة التى اختارها لتقود مشاق الحياة معه.

وقالت رنا "أنا هاتعامل معاه على حسب إمكانياته، لو هو مش قادر يجيب شبكة، هانشترى دبلة وتوينز، أو دبلة وسلسة ونكتفى لكن لو قادر لازم يجب شبكة  طبعا، والرأى الأول والأخير لأهلى لأنهم فى المواضيع دى شايفين أكتر منى".

واستكملت هاجر، قائلة إنها لن تتردد عندما تجد الشخص الذى يريده قلبها، وتتنازل عن الشبكة وتكتفى بدبلة من الذهب فقط.

وقالت هند إنها تستطيع أن ترتدى دبلة من الفضة لأن الذهب لا يعنيها، ولكن سوف تكتب قيمة الذهب فى القايمة لضمن حقها، قائلة: "أنا بردو معرفش مين ده لأن فى شباب كتير بيتغيروا بعد الجواز".

وقالت فتاة أخرى، الشباب بقوا كلهم غير قادين على شراء الشبكة، لأن مش الدهب بس هو إللى اترفع سعره ده كل مستلزمات الجواز، قائلا "ما بقاش فيه إمكانيات علشان شاب دلوقتى يشترى شبكة بـ30 أو 40 ألف جنيه، بس يقدر على الأساسيات بعد كده يفكروا فى الشبكة".

وقالت هاجر "أنا بالنسبة لى الشبكة شىء عادى جدا المهم بس يكون واضح وصريح مش راجل بخيل يقول إنه مش معاه ويكون معاه ومخبى أنا مش بحب الراجل البخيل".