التوقيت السبت، 22 سبتمبر 2018
التوقيت 09:20 م , بتوقيت القاهرة

بالفيديو..مواطنون عن أزمة "الدولار":"التجار بيستغلو الأزمة ويرفعوا أسعار السلع..مش عارفين نعيش”

استطلعت "كاميرا فيديو 7 قناة اليوم السابع المصورة" آراء المصريين حول تأثير ارتفاع سعر صرف الدولار فى الحياة اليومية للشعب المصرى واقتراحتهم لحل تلك الأزمة. وأعربت مواطنة عن استيائها من ارتفاع الدولار قائلة: "أحنا كـ شباب من حاسين زى أهالينا اللى بيصرفوا .. الأسعار بقيت كلها  غاليا جدا  .. ولازم الحكومة تشوف حل " وفى نفس السياق قالت أخرى :"الأسعار أصبحت غالية جدا نعيش إزاى ". وعلي نفس السياق قال المواطن أشرف عبد المنعم ، :"كل السلع بقت غالية نار الفراخ واللحمة حتى الشاى والأرز المكسر بقي بـ 4 جنيه ونصف ، وتابع قائلا:"مش عارفين حل للأزمة دى" وقالت لمياء الصبحى ممرضة :" سعر الدولار زاد وزادت كل السلع معاه ..السلع الأساسية اللى الواحد بيعيش بها مش عارفين نشتريها من ارتفاع سعرها." وقال فهد :" أكيد لازم نحس بارتفاع سعر الدولار كل حاجه حولينا غالية ولسه كمان هتغلى ،ما بقاش لها حل . وأضاف نصر بائع بحى الدقى :" كل حاجه بقيت غالية بعد ما سعر الدولار زاد وده بيأثر على مكسبى أنا ومش هقدر أزود السعر على الزبون يعنى كده أنا بخسر ، وللأسف مافيش حل ".